ताज्या बातम्यामहत्वाच्या बातम्यामुंबई

Coronavirus : राज्यात गेल्या 24 तासात ‘कोरोना’चे 8744 नवे रुग्ण, 22 जणांचा मृत्यू

Maharashtra State Coronavirus Update Coronavirus

मुंबई : पोलीसानामा ऑनलाइन – राज्यात कोरोनानं पुन्हा एकदा हातपाय पसरवण्यास सुरुवात केल्यानं आरोग्य विभागाची झोप उडाली आहे. फेब्रुवारीच्या पहिल्या आठवड्यापासून कोरोनानं
पुन्हा एकदा डोकं वर काढलं आहे. मागील काही दिवसांपासून राज्यातील कोरोना बाधित रुग्णांची संख्या वाढत आहे. मागिल तीन दिवस राज्यात आठ हजारापेक्षा अधिक रुग्ण आढळून आले होते. राज्यात गेल्या 24 तासात 8 हजार 744 नवीन रुग्ण आढळून आले आहेत.

आज राज्यात 22 रुग्णांचा मृत्यू झाला आहे. आतापर्यंत 52 हजार 500 जणांचा मृत्यू झाला आहे. राज्यातील सध्याचा मृत्यू दर 2.36 टक्के इतका आहे. तर आज दिवसभरात 9 हजार 068 रुग्ण बरे झाले असून त्यांना रुग्णालयातून घरी सोडण्यात आले आहे. राज्यात आजपर्यंत 20 लाख 77 हजार 112 कोरोनाबाधित रुग्ण बरे झाले आहे. यामुळे राज्यातील रुग्ण बरे होण्याचे प्रमाण 93.21
टक्के इतके झाले आहे.

सध्या राज्यात 97 हजार 637 ॲक्टिव्ह रुग्ण असून त्यांच्यावर विविध रुग्णालयात उपचार सुरु आहेत. राज्यात आजपर्यंत तपासण्यात आलेल्या 1 कोटी 69 लाख 38 हजार 227 प्रयोगशाळा नमुन्यापैकी 22 लाख 28 हजार 471 नमुने पॉझिटिव्ह आले आहेत. राज्यात रुग्ण आढळून येण्याचे प्रमाण 13.16 टक्के इतके आहे. सध्या 4 लाख 41 हजार 702 व्यक्ती होमक्वारंटाइनमध्ये आहेत, तर 4 हजार 098 व्यक्ती संस्थात्मक क्वारंटाइनमध्ये आहेत.