पिंपरी : पोलीसनामा ऑनलाइन – बावधन येथे रस्त्याच्या कडेला उभा केलेली इनोव्हा मोटार कार चोरणाऱ्यास हिंजवडी पोलिसांनी अटक केली आहे. प्रकाश बाबू झोरे (30, रा. गोसावी, वस्ती, रामनगर, वारजे माळवाडी) असे अटक केलेल्या चोरट्याचे नाव आहे. पोलिसांनी दिलेल्या माहितीनुसार, 24 नोव्हेंबर रोजी भूगाव रोड, बावधन येथे रुद्रा टायर दुकानासमोर लॉक करून पार्क केलेली इनोव्हा कार (एम एच 12 / के एन 7979) रात्री साडेसात ते दहाच्या वाजण्याच्या दरम्यान अज्ञात चोरट्याने चोरून नेली.
याप्रकरणी हिंजवडी पोलीस ठाण्यात गुन्हा दाखल करण्यात आला. या गुन्ह्याचा तपास करीत असताना सीसीटीव्ही फुटेजची पोलिसांनी पाहणी केली. त्यामध्ये आरोपीची ओळख पटली. त्याला पोलिसांनी ताब्यात घेऊन कसून चौकशी केली असता त्याने हा गुन्हा केल्याचे कबूल केले. त्याच्याकडून चोरी केलेली साडेतीन लाख रुपये किंमतीची इनोव्हा कार हस्तगत करण्यात आली आहे.
ही कारवाई पोलीस आयुक्त संदीप बिष्णोई, अप्पर पोलीस आयुक्त रामनाथ पोकळे, उपायुक्त विनायक ढाकणे, सहाय्यक आयुक्त श्रीकांत मोहिते, वरिष्ठ पोलीस निरीक्षक यशवंत गवारी, पोलीस निरीक्षक (गुन्हे) अजय जोगदंड यांच्या मार्गदर्शनाखाली तपास पथक प्रमुख अनिरुद्ध गिझे, एम डी वरुडे, पोलीस कर्मचारी वायबसे, बाळू शिंदे, किरण पवार, नितीन पराळे, आतिक शेख, कुणाल शिंदे, विवेक गायकवाड, सुभाष गुरव, अमर राणे, झनकसिंग गुमलाडू, श्रीकांत चव्हाण, चंद्रकांत गडदे, विकी कदम, अली शेख, रितेश कोळी, आकाश पांढरे यांच्या पथकाने केली.
Visit : policenama.com
- ‘या’ खास चहाचे हे ६ आरोग्यदायी फायदे, असा तयार करा, जाणून घ्या
- नेहमी हसा, च्युइंगम खा…आणि कमी करा वजन ! ‘वेटलॉस’च्या ‘या’ खास ५ ट्रीक
- कर्करोगावर गुणकारी आहे ‘कडुनिंब’, जाणून घ्या ५ आरोग्यदायी फायदे
- मुलांच्या ‘या’ ५ गोष्टी मुलींना नाहीत पसंत, फिटनेसकडे वेळीच द्या लक्ष
- लिंबाचे ‘हे’ ७ फायदे जाणून घेतले तर तुम्ही रहाल निरोगी !
- मुल नको असल्यास आता पुरूषांसाठीही गर्भनिरोधक गोळी ! ‘ही’ आहेत ३ वैशिष्ट्ये
- प्रेयसीचे ओठ थरथरले, लवलवले तर ‘ही’ सुद्धा असू शकतात ६ कारणे