मुंबई : पोलीसनामा ऑनलाईन – प्रसिद्ध अभिनेत्री स्पृहा जोशी शुटींगसाठी मुंबईच्या बाहेर आहे. ती मुंबईत आल्यांतर सर्वात आधी पाणी फाऊंडेशनसाठीच्या श्रमदानात सहभागी होणार आहे. सिनेसृष्टीतील इतरही कलाकार यात सहभागी होणार असल्याचंही समजत आहे.
पाणी फाऊंडेशनसाठीच्या श्रमदानाची सुरुवात 1 मे रोजी होणार आहे. या श्रमदानासाठी स्पृहा जोशी जाणार असल्याचं समजत आहे. दरम्यान याबाबत सांगताना स्पृहाने आपला मागील वर्षातील श्रमदानाचा अनुभवदेखील सांगितला आहे. स्पृहा म्हणते की, “मुंबई-पुण्यातल्या सुखावह ठिकाणी आयुष्य जगत असताना या शहरांबाहेरील ठिकाणी राहणाऱ्या गाव-पाड्यांमध्ये पाण्यासाठी तेथील महिलांना वणवण फिरावं लागतं. पाण्यासाठी तेथील नागरिकांची काय अवस्था आहे हे पाणी फाऊंडेशनच्या माध्यमातून मला समजलं.” असं सपृहा म्हणाली.
पुढे बोलताना स्पृहा म्हणते की, “पाणी फाऊंडेशनसोबत, दुष्काळाशी दोन हात करताना, पक्षीय राजकारणाच्या पलीकडे जाऊन संघटित होणारे, जातिव्यवस्था निर्मुलन होऊन एकमेकांमधले पिढ्यांपिढ्यांचे मतभेत विसरून, एकत्र पगतीला बसणारे गावकरी मी पाहिले आहेत. मोठ्या शहरात राहणारी सुखवस्तू कुटुंबातील उच्चशिक्षित मुलं, गावात येऊन कुदळ-फावडे हातात घेत उन्हात घाम गाळताना पाहताना, इंडिया भारतात परतल्याचा सुखद अनुभव मिळतो. पाणी फाऊंडेशनची मोहिम ही आता चळवळ झाली आहे. पाणी फाऊंडेशनसाठी काम करताना नैसर्गिक आपत्तीवर आपण मात करण्याचा आनंद गावकऱ्यांना आणि शेतकऱ्यांच्या चेहऱ्यावर मला दिसून आला आहे. या आनंदात मीही सहभागी असल्याचे समाधान काही औरच असते. गेल्यावर्षी मी एकटीच श्रमदानासाठी गेले होते. पण यावेळी मात्र आई आणि काकूसोबत श्रमदानात सहभागी होणार आहे.” असे सपृहाने सांगितले.
मला काळजी आहे पाण्याअभावी डोक्यावर हंडे घेऊन पाण्यासाठी कराव्या लागणाऱ्या पायपिटीची..
म्हणूनच @paanifoundation च्या चळवळीमध्ये मी सुद्धा खारीचा वाटा उचललाय.
तुम्ही सुद्धा या प्रयत्नात नक्की सहभागी व्हा.
येत्या १ मेच्या महाश्रमदानासाठी https://t.co/BEfsUDEJmL वर नक्की नोंदणी करा. pic.twitter.com/WyRD3NdnYm— Spruha Joshi (@spruhavarad) April 12, 2019
स्पृहा जोशीने गेल्यावर्षी श्रमदान केले होते. पुरंदर तालुक्यातील पोखर या गावात तिने श्रमदान केले आहे. या श्रमदानाशिवाय पाणी फाऊंडेशनने जे काही अन्य उपक्रम राबविले होते त्यातही स्पृहाने सक्रिय सहभाग घेतला होता.
तुफान आलंया…; तृतीयपंथीयांनी केले वॉटर कप स्पर्धेत ‘श्रमदान’ https://t.co/vNFxuJgBUA
— Paani Foundation (@paanifoundation) April 10, 2019
स्पृहाच्या वर्कफ्रंटबद्दल बोलायचे झाले तर सध्या ती झांसीमध्ये तिच्या आगामी सिनेमाच्या शुटींगमध्ये व्यस्त आहे. हे शुटींग पूर्ण झाल्यानंतर ती लगेचच मुंबईत परत येणार आहे. मुंबईत आल्यानंतर सर्वात आधी ती पाणी फाऊंडेशनच्या श्रमदानात सहभागी होणार आहे.
झांसीच्या 'राणी महल'ची सफर with Tour Guide 😅😊
Full Video ▶️ : https://t.co/EvtfYLA3rf pic.twitter.com/SxUsEbC1P3— Spruha Joshi (@spruhavarad) April 18, 2019
भग्न महालांतून वाजते सनई लोककथांची
कळ उठते हृदयात ऐकुनी तान जुन्या गीतांची..
झगमगता इतिहास पुसटला, रखरखीत या वाटा
पावलांत ' काल ' च्या ठुसठुसे हाय! ' उद्या ' चा काटा..पाउस – पाणी सोसुन झिझल्या येथिल भिंती साऱ्या
"हळू वहा रे! जपून जा रे! जरा…https://t.co/fBbfmxKL4O
– स्पृहा pic.twitter.com/WQmNRBi1Y1— Spruha Joshi (@spruhavarad) April 11, 2019