पाच वेळा राष्ट्रीय चॅम्पियन असलेल्या मेरी कोमसाठी आजचा दिवस विजयाचा ठरला आहे. मेरीने आज सकाळी चीनच्या यू वु वर 5-0 (30-27, 29-28, 30-27, 29-28, 30-27) ने दणदणीत विजय मिळविला. आता गुरुवारी तिचा सामाना कोरियाच्या हयांग मि किम हिच्याशी होणार आहे.
मेरी कोम या विजयानंतर म्हणाली की, ‘‘हा विजय जास्त कठिण आणि जास्त सोपाही नव्हता. मी बॉक्सिंग रिंगमध्ये लक्ष विचलित होऊ देत नाही. त्याचाच मला फायदा होतो. चीनची बॉक्सर अनुभवी खेळाडू आहे, तिच्यासेबतची ही माझी पहिलीच लढत होती.’’
गुरुवारी होणाऱ्या लढतीबाबत बोलताना मेरी कोम म्हणाली, कोरियाच्या हयांग मि किमला आशियाई चॅम्पियनशिपमध्ये मी हरविले होते, आता तिच्यासोबतच सेमीफायलमध्ये लढत होणार आहे. सध्या मी तिच्या व्हिडिओ समजून घेत आहे. त्यानुसारच मी तिच्याशी लढणार आहे.
सध्या मेरी आणि आयर्लंडची कॅटी टेलर यांच्या खात्यावर प्रत्येकी पाच सुवर्णपदके आहेत. त्यामुळे इतिहास रचण्याच्या दृष्टीने मेरी कोमची आगेकूच भारतासाठी आनंददायी ठरत आहे.