पिंपरीमध्ये भंगाराच्या गोदामांना भीषण आग ; ४ गोदामं जळून खाक

या आगीमध्ये भंगाराचे साहित्य, लाकूडफाटा तसेच केमिकल साहित्य आगीच्या भक्ष्यस्थानी पडले. या आगीची तीव्रता भयानक असल्यामुळे घटनेची माहिती मिळताच पिंपरी चिंचवड महापालिकेच्या मुख्य अग्निशमन केंद्रातून तीन वाहने तसेच प्राधिकरण, भोसरी, तळवडे, चिखली अग्निशमन केंद्रातून प्रत्येकी एक गाडी घटनास्थळी रवाना झाली. त्याचप्रमाणे टाटा मोटर्स, बजाज ऑटो, एमआयडीसी चाकण, फोर्स मोटर्स, सेंच्युरी एन्का, जय हिंद इंडस्ट्रीज या कंपन्यांच्या गाड्या देखील घटनास्थळी दाखल झाल्या.

मिळालेल्या माहितीनुसार, मनोज मोरे आणि निकेश मोरे यांची ४ गोडाऊन जाळून खाक झाली. नुकतीच आग नियंत्रणात आली असून कुलींगचे काम सुरु असल्याची माहिती अग्निशमन विभागाकडून देण्यात आली आहे. आग कश्यामुळे लागली हे अद्याप समजू शकले नाही.