17 वर्षाच्या पथिरानानं तोडलं शोएब अख्तरचं 17 वर्षापुर्वीच रेकॉर्ड, टाकला 175 Km/h वेगानं बॉल !
नवी दिल्ली : वृत्तसंस्था – श्रीलंकेच्या क्रिकेट संघाला एक नवीन ‘लसिथ मलिंगा’ मिळाला आहे. मथिशा पाथिराना या गोलंदाजाचा तीन-चार महिन्यांपूर्वी एक व्हिडिओ सोशल मीडियावर व्हायरल झाला होता. यामुळे तो चर्चेत आहे. अंडर १९ विश्वचषकात या १७ वर्षाच्या वेगवान गोलंदाजानं आश्चर्यकारक काम केलं आहे. पथिरानाने रविवारी भारतीय अंडर १९ संघाविरुद्ध १७५ किमी / ताशी वेगाने गोलंदाजी केली.
दरम्यान, हा स्पीडोमीटरचा दोष होता किंवा कोणती चूक हे माहित नाही. कारण जेव्हा त्याने बॉल फेकला तेव्हा टीव्ही स्क्रीनवर दर्शविलेला वेग 175 किमी प्रति तास होता. दरम्यान, चेंडू वाइड झाला. या संदर्भात आयसीसीकडून कोणतेही अधिकृत विधान आले नाही. पाथिरानाच्या या चेंडूचा सामना भारताच्या यशस्वी जयस्वालला करावा लागला. चौथ्या ओव्हरचा शेवटचा चेंडू जयस्वालच्या पायापासून गेला, ज्याला अंपायरने वाइड सांगितले. जर हे सत्य असेल तर या 17 वर्षीय वेगवान गोलंदाजाने पाकिस्तानचा माजी वेगवान गोलंदाज शोएब अख्तरचा विक्रम मोडला आहे.
दरम्यान, २००३ मध्ये इंग्लंडविरुद्धच्या विश्वचषक सामन्यात १६१.३ किमी प्रतितास वेगाने वेगवान गोलंदाजी करण्याचा विक्रम अख्तरच्या नावावर आहे. या 17 वर्षीय वेगवान गोलंदाजची ऍक्शन लसिथ मलिंगासारखी आहे. पाथिराणा काही महिन्यांपूर्वी ट्रिनिटी कॉलेजकडून खेळत होता, जिथे त्याने सात धावा देऊन सहा विकेट घेतल्या.
- थंडीच्या दिवसात प्या ‘आल्याचे पाणी’, होतील ‘हे’ 4 फायदे !
- ‘कापूर’ वाढवेल तुमचे आरोग्य आणि सौंदर्य ! जाणून घ्या 5 फायदे
- बटाट्याची साठवण करताना ‘या’ 4 गोष्टी लक्षात ठेवा
- सावधान ! ‘च्युइंगम’ चुकून गिळल्यास होऊ शकतात ‘या’ 4 गंभीर समस्या
- ‘या’ 3 पद्धतीने हात धुवा स्वच्छ, अनेक गंभीर आजारांपासून होईल बचाव
- प्रमाणापेक्षा जास्त घाम का येतो ? जाणून घ्या 3 कारणे आणि 3 उपाय !