21 मे : जेव्हा राजीव गांधी यांच्याजवळ हार घेऊन पोहोचली एक महिला आणि स्वतःच्या शरीराला उडवलं बॉम्बनं, जाणून घ्या इतिहास

पोलिसनामा ऑनलाईन – २१ मे १९९१ या दिवशी घडलेल्या घटनेने संपूर्ण देशाला हादरवून टाकले होते. या दिवशी एलटीटीईच्या अतिरेक्यांनी माजी पंतप्रधान राजीव गांधी यांची हत्या केली होती. श्रीलंकेत शांतता सैन्य पाठवल्याने संतप्त झालेल्या तामिळ बंडखोरांनी तामिळनाडूच्या श्रीपेरंदूर येथे राजीव यांच्यावर आत्मघातकी हल्ला केला.

राजीव गांधी लोकसभा निवडणुकांचा प्रचार करत असताना एक महिला त्यांच्याजवळ फुलांचा हार घेऊन गेली आणि त्यांच्या अगदी जवळ जाऊन आपल्या शरीराला बॉम्बने उडवले. हा स्फोट इतका जबरदस्त होता की घटनास्थळी असलेली बरीचशी माणसं जागीच ठार झाली.

२१ मे रोजीच १८ वर्षांच्या एका सुंदर मुलीने जगातील सर्व सौंदर्यवतींना मागे सोडले आणि देशासाठी सौंदर्याचे सर्वात मोठे पदक प्राप्त केले. सुश्मिता सेनने २१ मे रोजी ब्रह्मांड सुंदरी (मिस युनिव्हर्स) चा किताब आपल्या नावावर केला होता. देशाच्या इतिहासात २१ मे रोजी नोंदलेल्या इतर प्रमुख घटना खालीलप्रमाणे-

१५०२: पोर्तुगालच्या जोआओ दा नोव्हाने दक्षिण अटलांटिक महासागरातील सेंट हेलेना बेटाचा शोध लावला.

१८१९: अमेरिकेतील न्यूयॉर्क शहरात रस्त्यांवर प्रथमच सायकल पाहिली गेली, त्याला स्विफ्ट वॉकर असे म्हटले जात होते.

१८४०: न्यूझीलंडला ब्रिटनची वसाहत घोषित करण्यात आली.

१८५१: दक्षिण अमेरिकेच्या कोलंबियामध्ये गुलामी प्रथा संपली.

१८८१: अमेरिकन रेड क्रॉसची स्थापना.

१९०४: पॅरिसमध्ये सर्वोच्च फुटबॉल संस्था आंतरराष्ट्रीय फुटबॉल महासंघ (फिफा) ची स्थापना.

१९१८: अमेरिकन प्रतिनिधी सभेने महिलांना मतदान करण्याची परवानगी दिली.

१९२७: अमेरिकेचा एक पायलट चार्ल्स लिंडेनबर्गने एका छोट्या विमानाने न्यूयॉर्कहून पॅरिस मधील अटलांटिक उड्डाण पार केले.

१९२९: कोलकाता आणि बंगळुरू मधील भारताची पहिली एअर कार्गो सेवा सुरू.

१९३५: क्वेटा शहर, पाकिस्तानमध्ये भूकंपांत मोठ्या प्रमाणात नुकसान. ३० हजाराहून अधिक लोकांचा मृत्यू.

१९६१: दक्षिण आफ्रिकेच्या अलाबामा मधील माँटगुमरी शहरात पांढऱ्या आणि काळ्या लोकांमध्ये संघर्ष झाला. वर्णभेदाला विरोध करणार्‍या डॉ. मार्टिन ल्यूथर किंग यांच्या बैठकीदरम्यान पांढऱ्या लोकांच्या गोंधळामुळे वाद सुरु झाला.

१९७५: ४१.६ किमी लांबीचा फरक्का फीडर कालवा औपचारिकपणे खुला केला गेला.

१९९१: तामिळनाडूच्या श्रीपेरंदूर येथे आत्मघाती बॉम्ब हल्ल्यात भारताचे माजी पंतप्रधान राजीव गांधी यांची हत्या.

१९९४: मनिला येथे झालेल्या ४३ व्या मिस युनिव्हर्स स्पर्धेत सुष्मिता सेनने विजेतेपद जिंकले.