राष्ट्रीय सुरक्षा विभागाचे प्रमुख अजित डोवाल हे मागील महिन्यात महासंचालक पडसलगीकर यांच्या भेटीला आले होते. पडसलगीकर यांच्यानंतर सेवा ज्येष्ठतेनुसार मुंबई पोलीस आयुक्त सुबोध जयस्वाल यांची नियुक्ती महासंचालकपदी केली जाणार आहे. पण आयुक्त म्हणून त्यांना अत्यंत अल्पकाळ मिळणार असल्याने राज्य सरकारचा त्यांना एवढ्यात बदलण्याचा विचार नसल्याने पडसलगीकर यांना मुदतवाढ दिली जाण्याची शक्यता आहे. आयुक्त म्हणून जयस्वाल यांच्या कामावर मुख्यमंत्री देवेंद्र फडणवीस हे समाधानकारक आहेत. पडसलगीकर यांना आणखी मुदतवाढ मिळणार असल्याने मुंबईच्या आयुक्तपदावर येण्यास उत्सुक असलेल्या डॉ. परमवीर सिंह यांची संधी हूकणार आहे.
लोकसभेच्या मध्यावधी निवडणुका काही महिन्यांवर येऊन ठेपलेल्या असताना राज्य सरकार आपल्या विश्वासातील कुठल्याही बड्या पोलीस अधिकाऱ्याची बदली करण्याची शक्यता नाही. पडसलगीकर हे मुख्यमंत्री देवेंद्र फडणवीस यांच्या अत्यंत विश्वासातील अधिकारी म्हणून ओळखले जातात.