श्रेष्ठदान : ‘या’ आमदारानं रक्‍तदान करून दाखल केला उमेदवारी अर्ज

अमरावती : पोलीसनामा ऑनलाइन – तिहेरी हत्याकांडांमुळे तणावाच्या पार्श्वभूमीवर मिरवणुक न काढता रक्तदान शिबीराचे आयोजन करुन शेकडो कार्यकर्त्यांसह रक्तदान करीत आमदार बच्चू कडू यांनी आपला उमेदवारी अर्ज दाखल केला आहे.

BACCHU KADU

आपल्या आगळ्या वेगळ्या स्टाईलने आणि थेट जनतेला भिडून काम करणारा आमदार म्हणून बच्चु कडु लोकप्रिय आहेत. अमरावती जिल्ह्यातील परतवाडा येथे चार दिवसांपूर्वी दोन गटात हाणामारी होऊन त्यात तीन जणांच्या हत्या झाल्या. यामुळे शहरात तणाव असून पोलीसांनी जमाव बंदी लागू केली आहे. त्यामुळे अशा परिस्थितीत मिरवणुक न काढण्याचा निर्णय प्रहार जनशक्ती पक्षाचे आमदार बच्चू कडु यांनी घेतला. त्यानंतर त्यांनी शक्ती प्रदर्शन न करता रक्तदान शिबीर आयोजित केले. त्यात शेकडो कार्यकर्त्यांनी रक्तदान केले. बच्चु कडु यांनीही रक्तदान करुन मग उमेदवारी अर्ज दाखल केला.

visit : Policenama.com