मुंबई – पोलीसनामा ऑनलाइन – MNS | मनसे अध्यक्ष राज ठाकरे (MNS Chief Raj Thackeray) यांनी मशिदीवरील भोंगे (Loudspeaker On Mosque) उतरवण्यासाठी आक्रमक पवित्रा घेतलेला पाहायला मिळत आहे. राज ठाकरेंनी राज्य सरकारला 3 मेपर्यंतच्या दिलेल्या अल्टिमेटमची राजकीय वर्तुळात चर्चा आहे. त्यासोबतच राज ठाकरे यांनी पत्रकार परिषद घेत 1 मेला औरंगाबादमध्ये (Aurangabad) सभा घेणार असल्याचं तर 5 जूनला अयोध्या (Ayodhya) दौऱ्यावर जाण्याची घोषणा केली होती. मात्र अशातच MNS कडून आणखी एक मोठी घोषणा करण्यात आली आहे.
मनसेचे नेते 3 मेला अक्षय तृतीयाच्या (Akshay Tritiya) मुहूर्तावर राज्यभरात त्यांच्या स्थानिक मंदिरांंमध्ये महाआरती करतील. लाऊडस्पीकरचा वापर करून ही ‘महाआरती’ (Mahaarati) केली जाईल, अशी माहिती मनसे नेते नितीन सरदेसाई (Nitin Sardesai) यांनी दिली आहे. मनसेच्या नव्या घोषणेमुळे राजकीय वातावरण तापण्याची शक्यता आहे. (MNS)
3 मे दिवशी रमजान ईद (Ramadan Eid) आहे आणि त्याच दिवशी मनसेने महाआरतीचं आयोजन केलं आहे. आधीच मशिदीवरील भोंगे उतरवण्यासाठी मसनेकडून राज्य सरकारला 3 तारखेचा अल्टिमेटम देण्यात आला आहे. त्यामुळे राज्य सरकार कशा प्रकारे पाऊलं उचलतं हे पाहणं महत्त्वाचं ठरणार आहे.
दरम्यान, राज्याचे गृहमंत्री दिलीप वळसे-पाटील (Dilip Walse-Patil) यांनी धार्मिक तेढ निर्माण करणाऱ्यांवर कारवाई
करणार असल्याचं सांगितलं आहे. त्यामुळे 1 मेनंतर राज्यातील वातावरण बिघडण्याची शक्यता असल्याच्या चर्चा राजकीय वर्तुळात रंगल्या आहेत.
Achalpur Violence Case | अचलपूर हिंसाचार प्रकरणात भाजप शहराध्यक्ष अभय माथनेला पुण्यातून अटक
ST Workers Strike | एसटी कामगार कामावर हजर होण्यास सुरुवात; एका दिवसांत 15,185 कामगार परतले