‘कोरोना’वरील ‘वॅक्सीन’ संदर्भात ‘या’ कंपनीची मोठी ‘घोषणा’, म्हणाले – ‘पुढील महिन्यापर्यंत…’

शिकागो : वृत्तसंस्था – कोरोना विषाणूवर वॅक्सीन तयार करणाऱ्या मॉडर्ना इंक या कंपनीने गुरुवारी मोठी घोषणा केली आहे. कंपनीने सांगितले की, पुढील महिन्यात 30 हजार लोकांवर कोरोना व्हायरसच्या वॅक्सीनची अंतिम चाचणी घेण्यात येईल. कंपनी या लसीच्या चाचणीच्या अंतिम टप्प्यात पोहचली आहे. केंब्रिज-मॅसाचुसेट्सच्या या बायोटेक कंपन्यांनी सांगितले की, प्राथमिक दृष्ट्या या अभ्यासाचे उद्दीष्ट्य कोविड 19 ला थांबवणे हे आहे. यानंतर, हे लक्ष पूर्ण झाल्यानंतर दुसरे लक्ष केंद्रीत केले जाईल. कंपनीच्या या प्रतिक्रियेनंतर गुरुवारी प्री-मार्केट ट्रेडिंग सुरु असताना शेअर्समध्ये 6 टक्क्यांची वाढ झाली.

1 अब्ज डोस तयार करण्याचे लक्ष
मॉडर्ना इंकने सांगितले की, नंतरच्या आभ्यासाठी कंपनीने वॅक्सीनचा 100 मायक्रोग्राम डोस तयार केला आहे. यावर बोलताना, कंपनी दरवर्षी 500 दशलक्ष डोस तयार करण्याचे काम करत आहे. 2021 नंतर कंपनी प्रत्येक वर्षी 1 अब्ज डोस तयार करण्यास सक्षम असेल. स्विस औषध निर्माता लोन्झा यांच्यासह कंपनी संयुक्तपणे या डोसची निर्मिती अमेरिकेतील अंतर्गत उत्पादनाच्या युनिटमध्ये करणार आहे.

कंपनीने म्हटले आहे की, त्यांनी 100 मायक्रोग्राम डोस यासाठी निवडला आहे जेणेकरून प्रतिकारशक्तीला जास्तीत जास्त वाढ मिळेल आणि त्याला कमीतकमी रिअ‍ॅक्शन्स देखील मिळेल. तिसऱ्या टप्प्यातील चाचणीसाठी कंपनीने पुरेशी लस तयार केली आहे. दरम्यानच्या अभ्यासामध्ये, कंपनीने असेही म्हटले आहे की, त्यांनी 300 निरोगी प्रोढांची निवड केली आहे. ज्यांना किमान एक शॉट डोस दिला गेला. यासाठी 18 वर्षे ते 54 वर्षे वयोगटातील 50 लोकांना हा डोस देण्यात आला आहे.

ज्यांवर अभ्यास केला आहे त्यांच्यावर 1 वर्ष परीक्षण केले जाईल
कंपनीने म्हटले आहे की, 54 वर्षे वयाच्या जवळपासच्या लोकांची चाचणी घेणे हे एक कठीण काम आहे कारण त्यांच्यावर विषाणूचा सर्वाधिक परिणाम होण्याची शक्यता आहे. सामान्यत: त्यांच्यात रोगप्रतिकार शक्ती देखील कमी असते. आभ्यासादरम्यान लसीचा परिणाम खबरदारीचा वापर म्हणून पाहिले जाते. ज्यामध्ये 28 दिवसांच्या आत दोन डोस दिले जातात. या अभ्यासामध्ये सहभागी होणाऱ्या लोकांचे निरीक्षण 1 वर्षासाठी केले जाणार आहे.