नवी दिल्ली : वृत्तसंस्था – कोरोना विषाणूने जगभरात थैमान घातले आहे. देशात देखील कोरोनाचा प्रादुर्भाव मोठ्या प्रमाणात झाला आहे. कोरोना प्रादुर्भााच्या पार्श्वभूमीवर मोदी सरकारने आर्थिक मदतीची घोषणा केली आहे. या अंतर्गत केंद्र सरकारकडून शेतकऱ्यांच्या खात्यामध्ये दोन हजार दिले जाणार आहेत. प्रधानमंत्री शेतकरी सन्मान योजनेअंतर्गत ही मदत केली जाणार आहे. पुढच्या महिन्यात शेतकऱ्यांच्या खात्यामध्ये दोन हजार रुपये येणार आहेत.
प्रधानमंत्री शेतकरी सन्मान योजनेअंतर्गत शेतकऱ्यांना प्रत्येक वर्षी 3 हफ्त्यांमध्ये 6 हाजर रुपये दिले जाणार आहे. आतापर्यंत या योजनेअंतर्गत 10 कोटी शेतकऱ्यांना जोडण्यात आले आहे. 1 ऑगस्टपासून सरकार शेवटचा हप्ता देणार आहे. नव्या वर्षात तुम्ही यासाठी अर्ज केला असेल तर तुमचे नाव यादीत आले आहे का ते तपासून पहा. तुमचे नाव यादीत आले आहे का हे पाहण्यासाठी pmkisan.gov.in वर तुम्हाला सर्व माहिती मिळू शकेल.
असं तपासा तुमचं नाव
फार्मर कॉर्नरवर क्लिक केल्यानंतर बेनिफिशरी स्टेटसवर क्लिक करा. यानंतर तिथे आधार नंबर, अकाऊंट नंबर आणि फोन नंबरचा पर्याय दिसेल. इथे तुम्ही भरलेली माहिती योग्य आहे का हे तपासता येईल. जर तुमचा अर्ज आधार, मोबाइल नंबर किंवा बँक खाते या कारणामुळे राहीला असेल तर ते कागदपत्र ऑनलाईन अपलोड करु शकता. अर्ज केलेल्या शेतकऱ्यांना या योजनेचा लाभ मिळेल. जर तुम्ही अर्ज केला असले तर. यासाठी तुम्ही लाभार्थ्यांच्या यादीत तुमचं नाव आहे का हे लगेच तपासून पहा.