Monkeypox रशियाचे Bioweapon आहे का? काय आहे हे आणि असे होऊ शकते का?
file photoनवी दिल्ली : वृत्तसंस्था – Monkeypox Bioweapon | कोरोना महामारीच्या (Coronavirus) काळात जगभरात मंकीपॉक्स (Monkeypox) आजाराची प्रकरणे झपाट्याने वाढत आहेत. स्वीडन, स्पेन, पोर्तुगाल, यूके, फ्रान्स, इटली, ऑस्ट्रेलिया, बेल्जियम, कॅनडा आणि अमेरिकेसह अनेक देशांमध्ये मांकीपॉक्सची प्रकरणे नोंदवली गेली आहेत. भारतात आतापर्यंत एकही केस आढळून आलेली नाही, मात्र देखरेख वाढवण्यात आली आहे (Monkeypox Bioweapon).
युरोपपासून अमेरिकेपर्यंत कहर करणार्‍या मंकीपॉक्सबाबत एक नवा दावा समोर आला आहे. मीडिया रिपोर्टनुसार, माजी सोव्हिएत शास्त्रज्ञ कर्नल कानाट अलीबेकोव्ह (Kanat Alibekov) यांनी एका मुलाखतीत सांगितले आहे की, 1990 च्या दशकात सोव्हिएत युनियनला मंकीपॉक्सचा वापर बायोवेपन म्हणून करायचा होता.
सोव्हिएत युनियनचे तुकडे होईपर्यंत अलिबेकोव्ह हे जैविक शस्त्र कार्यक्रमाचे उपप्रमुख होते. यावर प्रश्न निर्माण झाला आहे की, मंकीपॉक्स जगभर झपाट्याने पसरत आहे, हे रशियाचे बायो वेपन आहे का?
बायो वेपन म्हणजे काय?
वर्ल्ड हेल्थ ऑर्गनायझेशन (WHO) नुसार, कोणतेही बॅक्टेरिया, व्हायरस, फंगस यांचा जैविक शस्त्रांद्वारे वापर केला जातो. अशा शस्त्रांचा वापर करण्यामागे लोकांना आजारी पाडण्याचा उद्देश असतो. अनेक प्रकरणांमध्ये यामुळे मृत्यू देखील होतो. त्यामुळे साथीचे आजार पसरण्याचा धोकाही वाढतो. हे केवळ मानवांचेच नाही तर वनस्पती आणि प्राण्यांचेही नुकसान करते. (Monkeypox Bioweapon)
संयुक्त राष्ट्रांच्या मते, बायो वेपन दोन प्रकारे वापरली जाऊ शकतात. पहिला वेपनाइज्ड एजंट आणि दुसरा डिलिव्हरी मेकॅनिझम. अशा शस्त्रांचा वापर राजकीय हत्येसाठी केला जाऊ शकतो. यामुळे गुरांमध्ये संसर्ग पसरू शकतो आणि कृषी पिके नष्ट होऊ शकतात, ज्यामुळे अन्न संकट आणि देशाला आर्थिक इजा होऊ शकते. त्यामुळे मोठ्या प्रमाणात रोगराई पसरू शकते.
वेपनाइज्ड एजंट म्हणजे ज्यामध्ये बॅक्टेरिया, व्हायरस, फंगस किंवा विष (प्राणी किंवा वनस्पतींचे विष किंवा कृत्रिमरित्या तयार केलेले विष) वापरले जाऊ शकते.
त्याच वेळी, डिलिव्हरी मेकॅनिझम म्हणजे क्षेपणास्त्र, बॉम्ब किंवा रॉकेटद्वारे बायोवेपन सोडले जाते. अशी क्षेपणास्त्रे, बॉम्ब आणि रॉकेट बायो वेपन वाहून नेण्यासाठी बनवण्यात आली आहेत.
हे होऊ शकते का?
होय, असे होऊ शकते. जगभरातील अनेक देशांनी बायोवेपनवर काम केले आहे किंवा करत आहेत. जैविक शस्त्रांच्या वापराबाबत अनेक वर्षांपासून भीती व्यक्त केली जात आहे. तेव्हाच सुमारे 50 वर्षांपूर्वी अशा शस्त्रांचा वापर थांबवता यावा म्हणून आंतरराष्ट्रीय कायदा करण्यात आला.
जैविक शस्त्रांचा वापर रोखण्यासाठी 1972 मध्ये कायदा करण्यात आला.
यामध्ये कोणताही देश जैविक किंवा विषारी शस्त्रे बनवणार नाही किंवा वापरणार नाही,
असा निर्णय घेण्यात आला. या कायद्यावर रशियासह 183 देशांनी स्वाक्षरी केली आहे.
मंकीपॉक्स हे बायो वेपन आहे का?
असे म्हणता येणार नाही. पण रशियाला ते बायो-वेपन म्हणून वापरायचे होते, असा दावा माजी सोव्हिएत शास्त्रज्ञाने केला आहे.
यूएस सेंटर्स फॉर डिसीज कंट्रोल (CDC) नुसार, हा रोग पहिल्यांदा 1958 मध्ये दिसून आला.
त्यानंतर संशोधनासाठी ठेवलेल्या माकडांमध्ये हा संसर्ग आढळून आला. त्यामुळे त्याला मंकीपॉक्स असे नाव पडले.
या माकडांमध्ये स्मॉलपॉक्ससारखी लक्षणे दिसून आली.
वर्ल्ड हेल्थ ऑर्गनायझेशन (डब्ल्यूएचओ) च्या मते, मानवांमध्ये मंकीपॉक्सची पहिली केस 1970 मध्ये नोंदवली गेली.
त्यानंतर काँगोमध्ये राहणार्‍या 9 वर्षांच्या मुलामध्ये हा संसर्ग आढळून आला.
1970 नंतर, 11 आफ्रिकन देशांमध्ये माणसांना मंकीपॉक्सची लागण झाल्याची प्रकरणे नोंदवली गेली.
जगात मंकीपॉक्सचा संसर्ग आफ्रिकेतून पसरला आहे. 2003 मध्ये, अमेरिकेत मंकीपॉक्सची प्रकरणे नोंदवली गेली.
सप्टेंबर 2018 मध्ये, इस्रायल आणि यूकेमध्ये मंकीपॉक्सची प्रकरणे नोंदवली गेली.
मे 2019 मध्ये, सिंगापूरमध्येही, नायजेरियाला गेलेल्या लोकांना मंकीपॉक्स झाल्याचे निदान झाले होते.
Web Title :- Monkeypox Bioweapon | what is monkeypox russia monkeypox bioweapon
Join our WhatsApp Group, Telegram, facebook page and Twitter for every update
Corona in Maharashtra | ‘महाराष्ट्रात कोरोनाची चौथी लाट येणार का?; आरोग्यमंत्री राजेश टोपे म्हणाले…