चहातील कॅफीनमुळे होऊ शकते अ‍ॅडिक्शन, ही आहेत लक्षणे

पोलीसनामा ऑनलाइन टीम – दिवसभरात एक किंवा दोन वेळा चहा प्यायल्यास ते खूप नुकसानकारक नाही. परंतु, दिवसभर सतत चहा पिणे हे एक व्यसन आहे. तंबाखू, सिगारेट ऐवढेच हे व्यसन घातक आहे. त्यामुळे तुम्ही दोन ते तीन कपापेक्षा जास्त चहा पित असाल तर हे अ‍ॅडिक्शन होण्याची शक्यता आहे. चहातील कॅफीनमुळे अ‍ॅडिक्शन होऊ शकते. असे अ‍ॅडिक्शन झाल्यास चहा न मिळाल्यावर डोकेदुखी, थकवा, अशक्तपणा जाणवतो. तसेच जास्त गरम चहा प्यायल्याने तोंडाला पोटापर्यंतच्या नलिकांचे नुकसान होते. यामुळे कर्करोग होऊ शकतो.

एका दिवसात तीन कपापेक्षा जास्त चहा प्यायल्याने आरोग्याला नुकसान होऊ शकते, असे यूनिव्हर्सिटी ऑफ ग्लासगोच्या अहवालातही नमूद करण्यात आले आहे. चहामध्ये असलेले कॅफीन व अन्य अनेक पोषकद्रव्ये जास्त प्रणामात घेतल्याने आरोग्याला नुकसान होऊ शकते. त्यामुळे चहा योग्य प्रमाणात पिणे आरोग्यासाठी ठिक आहे. जास्त चहा प्यायल्यास कोणते नुकसान होऊ शकते. चहामध्ये अ‍ॅल्युमिनियम सारखे अनेक टॉक्सिन्स असतात. यामुळे बारीक पुरळ, मुरूम यासारख्या त्वचेसंबंधित समस्या निर्माण होऊ शकतात. चहामध्ये कॅफीन असते. त्यामुळे जास्त चहा प्यायल्याने अस्वस्थता वाढते. तसेच चहामध्ये असलेल्या टॅनिन, टायलिनमुळे पचन होत नाही. त्यामुळे पोटाची समस्या वाढू शकते. शिवाय, चहामध्ये फ्लोराइड अधिक प्रमाणात असते. यामुळे हाडे कमजोर होऊ शकतात.
चहामध्ये असलेल्या फायटोकेमिकल्समुळे जास्त चहा प्यायल्याने झोप न येण्याची समस्या होऊ शकते. ५ कपापेक्षा जास्त चहा प्यायल्याने यूरिन ४००-५०० टक्के वाढते. यामुळे किडनीवर जास्त जोर पडते आणि किडनीच्या समस्या होऊ शकते. तसेच जास्त चहा प्यायल्याने वारंवार लघवी होते. यामुळे सोडियम, पोटॅशियमसारखे शरीराला आवश्यक असणारे खनिजद्रव्ये बाहेर पडतात. अशक्तपणा वाढतो. बॉडीमधून पाणी बाहेर निघून गेल्याने डिहायडरेशनची समस्या होऊ शकते.

Loading...
You might also like