पुणे : पोलीसनामा ऑनलाइन – कॅन्सरच्या आजाराला कंटाळून आईने १० वर्षाच्या मुलीला विष पाजून तिचा खुन केला. त्यानंतर स्वत: गळफास घेत आत्महत्या केल्याचे उघडकीस आले आहे.
सुरेखा नवनाथ जाधव असे गळफास घेतलेल्या महिलेचे नाव आहे. साक्षी नवनाथ जाधव (वय १०) असे विष पाजल्याने मृत्यू पावलेल्या मुलीचे नाव आहे. ही घटना बारामती तालुक्यातील पणदरे गावच्या हद्दीत शनिवारी सकाळी उघडकीस आली.
याबाबत पोलिसांनी सांगितले की, सुरेखा लग्नानंतर काही दिवसांतच पतीपासून वेगळी झाली. त्यानंतर ती आपल्या मुलीसह माहेरी राहत होती. शुक्रवारी घरातील सर्व बाहेर असल्याचे निमित्त साधून राहत्या घरातील एका खोलीत माय-लेक रात्री झोपले होते. घरातील लोक बाहेरून आले त्यावेळी दोघीही झोपल्या होत्या.
रात्रीच्या वेळी मुलीला पाण्यामध्ये विष देऊन आई सुरेखाने खून केला. यानंतर स्वत: छताच्या घरातील अँगलला साडी बांधून गळफास घेतला. सकाळी नेहमीप्रमाणे घरातील सर्व उठले. तरी त्यांच्या खोलीतून काही आवाज येत नसल्याचे पाहून दार वाजवले, पण प्रतिसाद आला नाही. दरवाजा काढून आत पाहिले असता मुलगी मृतावस्थेत, तर आईने गळफास घेतल्याचे दिसून आले. घरात यावेळी विषाची बाटली आणि चिठ्ठी आढळून आली. या चिठ्ठीत ‘‘मी कॅन्सरच्या आजाराला कंटाळले आहे. माझ्या पश्चात माझ्या मुलीचे हाल होऊ नयेत, यासाठी आम्ही दोघीही देवाघरी जात आहे. याबाबत कोणालाही दोषी ठरवू नये.’’
लहान मुलांना पॅरासिटामॉल देताना घ्या ‘ही’ काळजी
मासिक पाळीदरम्यान या कारणांमुळे स्रियांचा मूड बदलतो
कमी वयात हार्ट अ‍ॅटॅक येण्याचे प्रमाण का वाढतेय ?
डोळ्यांच्या इन्फेक्शनपासून असा करा बचाव