आंतरराष्ट्रीयक्राईम स्टोरी

दुर्देवी ! आई पहात राहिली आपल्या 3 महिन्याच्या बाळाला मरताना, केली होती ‘ही’ चूक

नवी दिल्ली : वृत्तसंस्था – पहिल्यांदाच आई बनलेल्या महिलेने अशी चूक केली की तिच्या तीन महिन्यांच्या बाळाचा मृत्यू गुदमरल्यामुळे झाला. ही घटना चीनची आहे. आईने घरात सीसीटीव्ही बसविले, जेणेकरून ती मुलावर नजर ठेवेल. पण ही चूक झाली जेव्हा ती चांगली आई होण्यासाठी ऑनलाईन कोर्स करण्यासाठी घराच्या दुसर्‍या खोलीत होती. यादरम्यान मुल पोटावर पालथे झाले होते.

आईने ऑनलाइन कोर्समध्ये शिकले की पोटावर पालथे पडून मूल आरामात झोपू शकते. चीनच्या दक्षिणेस असलेल्या शानतोउ येथे पहिल्यांदा आई झालेली महिला घराच्या दुसऱ्या खोलीतील ‘एमी बाबीकेअर’च्या ऑनलाइन वर्गात बसली होती. ती तीन महिन्यांच्या मुलास कसे सांभाळावे हे दुसर्‍या खोलीतून ऑनलाइन शिकण्याचे ती प्रशिक्षण घेत होती.

डेली मेल वेबसाईटवर प्रसिद्ध झालेल्या वृत्तानुसार असे घडले की, ऑनलाइन कोर्स दरम्यान ती दुसर्‍या खोलीत बसली होती व आपल्या मुलाची देखरेख करीत होती. मूल एका झोपाळ्यात पडलेले होते. सीसीटीव्हीवरून मुलावर लक्ष ठेवून ती मुलाला स्पीकर आणि माइक वरून सूचना देत होती.

कोर्स दरम्यान, तिने आपल्या मुलाचे रडणे ऐकले तिने स्पीकरद्वारे मुलाला शांत करण्याचा प्रयत्न केला. दरम्यान, ऑनलाइन कोर्स करणारे लोक आणि चॅटिंग ग्रुपमधील लोकांनी ऑनलाईन असलेला कोर्स करत असलेल्या महिलेने मुलाला त्रास देऊ नका असे सांगितले. त्याला गोष्टी करु द्या असे सांगितले.

आई म्हणत राहिली की मुलाकडे जाण्याची परवानगी द्या. त्याचाशी बोलू द्या. परंतु ऑनलाइन कोर्स देणार्‍या कंपनीच्या लोकांनी नकार दिला. दरम्यान, मुल पोटावर पलटी झाले आणि गुदमरल्यामुळे त्याचा मृत्यू झाला.

२ तासानंतर जेव्हा आईने कोर्स संपवून मुलाच्या खोलीत प्रवेश केला तेव्हा मुलाचा मृत्यू झाला होता. यानंतर महिलेने पोलिसांना संपूर्ण प्रकरण सांगितले. आता पोलिस चांगली आई बनण्यासाठी कोर्स देणारी संस्था ‘अ‍ॅमी बाबीकेअर’चा शोध घेत आहेत. कारण ही संस्था महिलांना मुलांनी स्वतःचे स्वतः कसे झोपले पाहिजे कुण्याच्याही आधाराशिवाय, याचे ऑनलाईन प्रशिक्षण देते.

अ‍ॅमी बॅबकेयर एका ग्राहकाकडून 6999 युआन म्हणजेच 75,474रुपये घेते. जेणेकरून तो नियुक्त केलेला शिक्षक समोर ऑनलाईन चॅटिंग ग्रुपसह कोर्स करू शकेल आणि क्लासमध्ये जाऊ शकेल. ज्या स्त्रीचे मूल मरण पावले आहे ती स्त्री देखील या गटांपैकी एकाशी गप्पा मारत होती.