नेपाळहून 25 कोटी रुपयांचे चरस मुंबईला घेऊन जाणाऱ्या तस्कराला अटक, बॉलिवूड ‘कनेक्शन’ ?
मोतीहारा : वृत्तसंस्था – बिहारमधील पूर्व चंपारणमध्ये चरसची मोठी खेप पकडली गेली आहे. जिल्ह्यातील चकिया टोल प्लाझा येथून पोलिसांनी २५ कोटी रुपयांचे चरस जप्त केले आहे. महाराष्ट्र नंबरच्या स्विफ्ट डिजायर कारच्या तपासणी दरम्यान पोलिसांना हे यश आले. कारची तपासणी केली असता त्यात चरसची मोठी खेप होती. पोलिसांनी चरस तसेच कारमधील चार जणांसह सात जणांना अटक केली आहे.
एसपी नवीनचंद्र झा यांनी जप्त केलेल्या चरसच्या बॉलिवूड कनेक्शनबाबतही शंका उपस्थित केली आहे. या कारवाईची माहिती देताना ते म्हणाले की, गुप्त माहितीच्या आधारे टोल प्लाझावर वाहनांची चौकशी केली जात होती. याच दरम्यान पोलिसांना एका गाडीतून ५२ पॅकेटमध्ये ठेवलेले २५ किलो ग्राम चरस सापडले. एसपी म्हणाले की, कारमधून महाराष्ट्रातील रहिवासी उस्मान सफी आणि विजय वंशी पर्षद यांना अटक केली आहे. त्यांच्या निशाण्यावरुन सात जणांना अटक करण्यात आली आहे.
एसपी म्हणाले की, चरस नेपाळहून रक्सौलमार्गे मुंबईला पाठवले जात होते, त्यामुळे त्याच्या मुंबई आणि बॉलिवूडशी संबंधाबाबतही चौकशी केली जात आहे. अटक केलेल्या तस्करांनी पोलिसांना दिलेल्या स्वीकृती निवेदनात म्हटले आहे की, यापूर्वीही दोनदा चरसचा मोठा साठा मुंबईला पाठवण्यात आला आहे. अटक करण्यात आलेल्या तस्करांच्या निशाण्यावरून पोलिसांनी इतर पाच तस्करांना अटक केली आहे, ज्यांची चौकशी केली जात आहे.
एसपी नवीनचंद्र झा म्हणाले की, मुंबईच्या बॉलिवूडशीही त्याचे कनेक्शन आढळले आहे, यावर पोलिस सखोल चौकशी करत आहेत. तपासणीनंतरच या चरसच्या खेपेच्या बॉलिवूड कनेक्शनविषयी स्पष्टपणे काही बोलता येईल.