MP Vinayak Raut | राज ठाकरेंच्या ‘त्या’ वक्तव्यावर खासदार विनायक राऊतांची टीका, म्हणाले – ‘राज ठाकरेंनी सुपारी घेऊन…’
file photoमुंबई : पोलीसनामा ऑनलाइन – मनसे प्रमुख राज ठाकरे (MNS Chief Raj Thackeray) यांनी पुण्यात एका कार्यक्रमात बोलताना एकदोन उद्योग बाहेर गेल्याने फरक पडत नाही, असं वक्तव्य केलं होतं. यावरुन ठाकरे गटाचे (Thackeray Group) खासदार विनायक राऊत (MP Vinayak Raut) यांनी थेट राज ठाकरे यांच्यावर हल्लाबोल केला आहे. राज ठाकरे यांनी सुपारी घेऊन बोलायचे धंदे सुरु केलेत. महाराष्ट्रातून एक नाही तर पाच मोठे उद्योग गुजरातमध्ये गेले. त्या उद्योगांच्या जीवावर भाजपने (BJP) गुजरातची निवडणूक (Gujarat Election) जिंकली आहे, अशी टीका विनायक राऊत (MP Vinayak Raut) यांनी राज ठाकरेंवर केली.
‘व्यंग ,वास्तव आणि राजकारण’ या विषयावर 18 वे जागतिक मराठी साहित्य संमेलनात (Jagtik Marathi Sammelan) ‘शोध मराठी मनाचा’ या परिसंवादात राज ठाकरे यांची प्रकाश अकोलकर आणि प्रभाकर वाईरकर यांनी मुलाखत (Interview) घेतली. यावेळी राज ठाकरेंनी विविध मुद्यांवर भाष्य केलं.
काय म्हणाले राज ठाकरे?
महाराष्ट्र हा सर्वार्थाने श्रीमंत आहे. एखादा दुसरा उद्योग बाहेर गेल्यानं राज्याचे फार नुकसान होणार नाही, असे मनसे प्रमुख राज ठाकरे यांनी म्हटले. तसेच देशाचे पंतप्रधान नरेंद्र मोदी (PM Narendra Modi) यांनी देशातील प्रत्येक राज्याकडे समान बघितले पाहिजे. आपण गुजरातचे आहोत म्हणून फक्त गुजरातला प्राधान्य देणं पंतप्रधानांना शोभत नसल्याचे राज ठाकरे यांनी म्हटले. एखाद्या भूमिकेला राजकारणात विरोध करणे चुकीचे नाही. चांगले काम केले तर त्यांचे कौतुक केले पाहिजे असेही राज ठाकरे म्हणाले.
महाराष्ट्राला कंगाल केलं
महाराष्ट्रातील प्रकल्प राज्याबाहेर नेले आणि महाराष्ट्राला कंगाल केले.
राज ठाकरे यांना त्यावर बोलायला वेळ नाही हे मनसेचं दुर्दैव. राज ठाकरे यांनी सुपारी घेऊन बोलायचे धंदे सुरु केलेत.
महाराष्ट्रातील दोन नाही तर पाच मोठे उद्योग गुजरातमध्ये गेले.
याच उद्योगांच्या जीवावर भाजपने गुजरातची निवडणूक जिंकली, अशी टीका ठाकरे गटाचे खासदार विनायक राऊत (MP Vinayak Raut) यांनी केली.
Web Title :- MP Vinayak Raut | shiv sena mp vinayak raut has severely criticized mns chief raj thackeray
Join our WhatsApp Group, Telegram, facebook page and Twitter for every update
KGF 3 | रॉकी भाईच्या चाहत्यांची प्रतीक्षा संपली ! KGF 3 च्या रिलीज डेट बाबत समोर आली ‘हि’ मोठी अपडेट