Multibagger Stock | 17 रुपयांचा शेअर आज आहे 1900 च्या पुढे, गुंतवणुकदारांना बनवले करोडपती; तुमच्याकडे आहे का ‘हा’ स्टॉक ?
file photoनवी दिल्ली : वृत्तसंस्था – Multibagger Stock | देशांतर्गत शेअर बाजाराने कोविड – 19 महामारी आणि मंदीच्या लक्षणांमध्ये मागील एका वर्षात अनेक मल्टीबॅगर स्टॉक दिले आहेत. या शेअर्सनी काही हजारांची गुंतवणूक करणार्‍यांना लखपती आणि लाखांची गुंतवणूक करणार्‍यांना करोडपती बनवले आहे. असाच एक स्टॉक आहे, ज्याने 3 वर्षात आपल्या गुंतवणूकदारांना 500 टक्के रिटर्न दिला आहे. दीपक नायट्रेट असे या कंपनीचे नाव आहे. (Multibagger Stock)
दीपक नायट्रेटने मागील 10 वर्षात गुंतवणूकदारांना 12,000 टक्के रिटर्न दिला आहे. मात्र, गेल्या आर्थिक वर्षातील निराशाजनक चौथ्या तिमाहीच्या निकालानंतर, कंपनीचा शेअर मोठ्या प्रमाणात घसरला आणि गुरुवारी 2.56 टक्क्यांनी घसरून 1918.65 प्रति शेअरवर बंद झाला. कंपनीचे बाजार भांडवलही 26,169 कोटी रुपयांवर आले आहे. ही एक केमिकल मॅन्युफॅक्चरिंग कंपनी आहे. ती मध्यम आणि उच्च दर्जाची रसायने तयार करते. (Multibagger Stock)
2010 मध्ये 18 रुपयांचा शेअर
सुमारे 12 वर्षांपूर्वी 2010 मध्ये, या एका शेअरची किंमत 17.81 रुपये होती, जी 2021 मध्ये 3,000 रुपयांच्या पुढे गेली आहे. मात्र, पुन्हा घसरण झाली. पण त्यानंतर या वर्षाच्या सुरुवातीला हा शेअर 2300 रुपयांच्या वर व्यवहार करत होता. म्हणजेच 2010 मध्ये जर तुम्ही या शेअरमध्ये 1 लाख रुपये गुंतवले असते तर आज तुमचे लाख रुपये कोटी रुपयांमध्ये बदलले असते.
—
कसे होते मागील आर्थिक वर्ष
कंपनीला आर्थिक वर्ष 2021 – 22 च्या चौथ्या तिमाहीत वार्षिक आधारावर एकूण 1875 कोटी रुपयांचे उत्पन्न मिळाले आहे, जे मागील वर्षीच्या याच तिमाहीत 1469.17 कोटी रुपयांच्या उत्पन्नापेक्षा 27.68 टक्के जास्त आहे.
मात्र, या तिमाहींमधील निव्वळ नफ्याबद्दल बोलायचे झाल्यास, कंपनीच्या नफ्यात सुमारे 8 टक्क्यांनी घट झाली आहे.
कंपनीने गेल्या आर्थिक वर्षाच्या चौथ्या तिमाहीत 267.21 कोटी रुपयांचा नफा कमावला आहे,
जो 2020 – 21 च्या चौथ्या तिमाहीतील 290.11 कोटीच्या नफ्यापेक्षा 7.89 टक्के कमी आहे.
कंपनीला 2021 – 22 मध्ये एकूण 6844.80 कोटी उत्पन्न मिळाले आहे,
जे मागील आर्थिक वर्षाच्या 4381.27 कोटींच्या एकूण उत्पन्नापेक्षा 56.23 टक्के अधिक आहे.
कंपनीच्या एकूण निव्वळ नफ्यातही 37.49 टक्क्यांनी वाढ झाली आहे. गेल्या आर्थिक वर्षात एकूण 1066 कोटी रुपयांचा नफा झाला आहे.
काय आहे ब्रोकरेजचे मत
मोतीलाल ओसवाल यांनी यावर आपले न्यूट्रल रेटिंग कायम ठेवले आहे.
ब्रोकरेज फर्मने सांगितले की हा शेअर 2320 रुपयांच्या टार्गेट प्राईससह खरेदी करता येऊ शकतो.
त्याच वेळी दौलत कॅपिटलने 2,881 रुपयांचे टार्गेट प्राईस दिली आहे. या कंपनीत एलआयसीचीही काही भागीदारी आहे हे लक्षात घेण्यासारखे आहे.
Web Title :- Multibagger Stock | this share of rs 17 is today beyond 1900 made investors millionaires do you have this stock deepak nitrite
Join our WhatsApp Group, Telegram, facebook page and Twitter for every update