जाहिद हा घाटकोपर येथील रहिवासी होता . काही सामानाची खरेदी करण्यासाठी जाहिद गुरुवारी वडिलांसोबत मार्केटमध्ये जात होता. यावेळी सीएसएमटीजवळचा रस्ता खालून क्राॅस करून जाण्याऐवजी ते यावेळी पुलावरून गेले आणि काळाने घाला घातला . सदर पूल कोसळला. या दुर्घटनेत त्याचे वडिल सिराज खान जखमी झाले . परंतु जाहिद खान याचा यात मृत्यू झाला . त्याच्या वडिलांनी त्याला उचलून रुग्णालयात नेलं. परंतु तोपर्यंत खूप उशीर झाला होता.
यावेळी बोलताना त्याच्या भावाने म्हटले की , “वाईट गोष्ट म्हणजे माझे काका तिथे असलेल्या लोकांकडे मदत मागत होते. परंतु कोणीही मदत करण्यास पुढे आलं नाही. सर्वजण मोबाईलमध्ये व्हिडीओ बनवत होते. जर व्हिडीओ न बनवता त्यांनी मदत केली असती तर आज माझा भाऊ जिवंत असता. “अशी संतप्त प्रतिक्रिया जाहिदचा भाऊ कमाल खानने दिली.