मुंबईतील गोरेगाव येथे ड्रग पेडलरनं NCB संचालक समीर वानखेडे यांच्यावर केला हल्ला

मुंबई : पोलीसनामा ऑनलाइन – बॉलिवूडच्या ड्रग्ज कनेक्शनची चौकशी करणार्‍या नारकोटिक्स कंट्रोल ब्यूरोच्या (एनसीबी) चमूवर रविवारी हल्ला करण्यात आला. मुंबईच्या गोरेगाव येथे एनसीबीचे झोनल संचालक, आयआरएस समीर वानखेडे आणि त्यांच्या पाच सदस्यांच्या पथकावर ड्रग पेडलर्स आणि बदमाशांनी हल्ला केला. यावेळी दोन अधिकाऱ्यांना दुखापत झाली आहे.

एनसीबीचे म्हणणे आहे की, समीर वानखेडे यांच्या नेतृत्वात एनसीबीची टीम छापेमारी करण्यास गेली होती. यावेळी ड्रग्ज पॅडलर्ससह सुमारे 60 जण जमा झाले आणि एनसीबी टीमवर हल्ला केला. यावेळी दोन अधिकाऱ्यांना दुखापत झाली. मुंबई पोलिसांनी संपूर्ण परिस्थिती हाताळली व ड्रग्ज पॅडलर्सला अटक केली.

ड्रग्ज पॅडलर्सचे नाव कॅरी मंडिस असल्याचे समजते. आयपीसीच्या कलम 353 पर्यंत मुंबई पोलिसांनी कॅरी मंडिस आणि तिन्ही साथीदारांना अटक केली आहे. पश्चिम मुंबईत एलएसडी पुरवल्याचा आरोप कॅरीवर आहे. त्याच्याकडून एनसीबीला एलएसडी मिळालं आहे. कॅरी व्यतिरिक्त आणखी दोन जणांना ताब्यात घेण्यात आले आहे. दरम्यान, एनसीबीने शनिवारी कॉमेडियन भारती सिंगला गांजा घेतल्याबद्दल अटक केली होती, तर रात्री उशिरा तिचा नवरा हर्ष लिंबाचियालाही अटक करण्यात आली होती. यापूर्वी एनसीबीने बॉलिवूड अभिनेता अर्जुन रामपाल आणि त्याची लिव्ह इन पार्टनरची विचारपूस केली होती.

सध्या ड्रग्जवरील एनसीबीची पकड बॉलिवूड आणि टीव्ही जगतावर मजबूत केली जात आहे. सुशांतसिंह राजपूतच्या मृत्यूच्या तपासणीच्या वेळी समोर आलेल्या या ड्रग्स अँगलमध्ये अडकलेली पहिली व्यक्ती रिया चक्रवर्ती होती. रिया चक्रवर्तीनंतर बॉलिवूड आणि टीव्हीच्या अनेक तारकांची नावे एकामागून एक समोर आली.

You might also like