मुंबई : पोलीसनामा ऑनलाइन – प्रेमसंबंधाला विरोध असतानाही प्रियकराबरोबर जाण्याची तयारी करीत असलेल्या स्वत:च्याच २३ वर्षाच्या मुलीचा ओढणीने गळा आवळून आईने खुन करण्याची घटना पायधुनी येथे घडली. मुलीची हत्या करुन तिने पोलीस ठाणे गाठले आणि ‘साहेब मीच मुलीची हत्या केली’ अशी कबुली आईने पोलिसांसमोर दिली. पोलिसांनी पाप्पू वाघेला (वय ४०, रा. पायधुनी) या आईला अटक केली आहे. निर्मला अशोक वाघेला (वय २३) असे हत्या झालेल्या मुलीचे नाव आहे.
याबाबत पोलिसांनी सांगितले की, निर्मला हिचे गेल्या काही दिवसांपासून एका तरुणाबरोबर प्रेमसंबंध होते. या प्रेमसंबंधाला आईचा विरोध होता. त्याच्याबरोबर तिने संबंध ठेवू नये असे आईला वाटत असे. त्यावरुन त्यांच्यात अनेकदा भांडणेही झाली. वारंवार होणाऱ्या या भांडणाला कंटाळून निर्मला हिने त्याच्याबरोबर राहण्यास जाणार होती. तसे तिने आईला सांगितले. तेव्हा त्यांच्यात पुन्हा वाद झाला. निर्मला हिने घरातून निघून जाण्यासाठी बॅग भरण्यास सुरुवात केली.
ती बॅगेत कपडे भरत असताना रागाच्या भरात आईने मारुन तिच्याच गळ्यातील ओढणीने तिचा गळा आवळला. त्यात निर्मला हिचा मृत्यु झाला. त्यानंतर तिने स्वत:च पायधुनी पोलीस ठाणे गाठून मुलीची हत्या केल्याची कबुली दिली. पोलिसांनी तातडीने घटनास्थळी धाव घेऊन निर्मला हिला रुग्णालयात नेले. परंतु, तोपर्यंत तिचा मृत्यु झाला होता. पोलिसांनी आईला अटक केली आहे.
Visit : Policenama.com
- जगण्याचे ‘हे’ सूत्र जाणून घ्या, ‘या’ ४ गोष्टी लक्षात ठेवल्या तर मिळेल आनंद
- जिममध्ये नुसता घाम गाळू नका, प्रथम जाणून घ्या कोणत्याही ‘व्यायामाची त्रिसुत्री’
- हिवाळ्यात ‘या’ ५ गोष्टींची घ्या काळजी; दुर्लक्ष करणे ठरू शकते घातक
- अयोग्य ‘ट्रेनर’मुळे होते आरोग्याचे नुकसान, ‘या’ ३ गोष्टी लक्षात ठेवा
- पांढरे केस, अकाली टक्कल हृदयरोगासाठी कारणीभूत, प्रयोगातील ‘हे’ ६ निष्कर्ष
- भरकटलेले जीवन यशस्वी करायचेय ? ‘हा’ आहे ‘पासवर्ड’, या ३ स्टेप्स आवश्यक
- हिवाळ्यात आरोग्य उत्तम ठेवण्यासाठी ‘या’ ६ गोष्टी नियमित करा सेवन
- गरोदर महिलांनी खावेत भिजवलेले बदाम, होतील ‘हे’ ६ आरोग्यासाठी फायदे