‘नच बलिए’ फेम अभिनेत्रीनं ज्यूनियर आर्टिस्टवर केला बलात्काराचा आरोप, म्हणाली – ‘अंमली पदार्थ खाऊ घातला अन्…’

On Nov 15, 2019

मुंबई : पोलीसनामा ऑनलाइन – ‘नच बलिये’ आणि ‘कहानी घर घर की’ सारख्या अनेक टीव्ही शोमध्ये काम करणार्‍या अभिनेत्रीने जूनिअर कलाकारावर बलात्काराचा आरोप केला आहे. अभिनेत्रीच्या म्हणण्यानुसार तिच्यावर विनीत नावाच्या जूनिअर कलाकाराने बलात्कार केला आहे. हे प्रकरण उघडकीस आल्यानंतर या ग्लॅमरस जगामागील सत्य पुन्हा एकदा समोर आले आहे.

आरोपी विनीत हा हरियाणाच्या यमुनानगरचा रहिवासी आहे. तिची पहिल्यांदा त्या अभिनेत्याशी मैत्री होती. १३ ऑक्टोबरला हे दोघे यमुनानगरमध्ये एका हॉटेलमध्ये थांबले होते. अभिनेत्रीने आरोप केला आहे. की, विनीतने तिला नशीला पदार्थ खाऊ घातला आणि तिच्यावर बलात्कार केला.

अभिनेत्रीने सांगितले की, जेव्हा तिला समजले की ती गर्भवती आहे, तेव्हा तिने विनीतला तिच्याशी लग्न करण्यास भाग पाडले पण त्याने तिला नाकारले. अभिनेत्रीच्या म्हणण्यानुसार, ती पोलिसांकडे गेली आणि गुन्हा दाखल केला. या प्रकरणात विनीतच्या कुटुंबातील सदस्यांनाही आरोपी करण्यात आले आहे. असे म्हटले जात आहे की विनीतबद्दल सर्व काही माहित असूनही त्यांनी मुलाला साथ दिली.

पोलिसांनी गुन्हा दाखल केल्यापासून आरोपी फरार आहे. अभिनेत्रीच्या म्हणण्यानुसार, कुटुंबाने मुलाला साथ दिली आणि जेव्हा त्याने लग्न करण्यास नकार दिला. त्यानंतर ती पोलिसांपर्यंत पोहोचली.

मिळालेल्या माहितीनूसार, विनीत आणि अभिनेत्रीची मैत्री मुंबईत काम सुरू असताना झाली. अभिनेत्रीने ‘कहानी घर घर की’, ‘देश में निकला होगा चंद’, ‘नच बलिये’ अशा बर्‍याच मोठ्या टीव्ही शोमध्ये काम केले आहे. पोलिस सध्या आरोपींचा शोध घेत आहेत. याप्रकरणी घरच्यांची चौकशी केली जाईल.