अहमदनगर : भाजप जिल्हाध्यक्षांच्या नियुक्त्या

अहमदनगर : पोलीसनामा ऑनलाइन – भारतीय जनता पार्टीच्या नगर शहर जिल्हाध्यक्षपदी महेंद्र उर्फ भैया गंधे, नगर दक्षिण जिल्हाध्यक्षपदी अरुण मुंडे तर नगर उत्तर जिल्हाध्यक्षपदी राजेंद्र गोंडकर यांची नियुक्ती करण्यात आलेली आहे. याबाबतची घोषणा पक्षाचे निवडणूक निर्णय अधिकारी तथा माजी सभापती हरिभाऊ बागडे यांनी आज केली आहे.

नगर येथे तीन दिवसापूर्वी भारतीय जनता पार्टीच्या जिल्हाध्यक्ष पदाकरता 39 इच्छुकांनी मुलाखती दिल्या होत्या. निवडणूक निर्णय अधिकारी म्हणून हरिभाऊ बागडे यांनी काम पाहिले होते. आजी-माजी जिल्हाध्यक्षसुद्धा या निवडणुकीच्या रिंगणामध्ये उभे ठाकले होते. यावेळी भारतीय जनता पार्टीने नगर जिल्ह्याचे ग्रामीणचे जिल्हाध्यक्षपदाची नगर व दक्षिण अशी विभागणी केली आहे. महानगरपालिका क्षेत्रासाठी शहराध्यक्षपद स्वतंत्र आहे. ग्रामीण भागाकडे दोन जिल्हाध्यक्ष यावेळेला पक्षाने दिले आहेत.

नगर शहर जिल्हाध्यक्ष पदाकरता महेंद्र उर्फ भैय्या गंधे, नगर दक्षिण जिल्हाध्यक्ष पदाकरता अरुण मुंडे, तर नगर उत्तर जिल्हाध्यक्ष पदाकरता राजेंद्र गोंदकर यांची निवड आज जाहीर केली आहे. महेंद्र उर्फ भैय्या गंधे हे विद्यमान नगरसेवक असून अरुण मुंढे हे भाजयुमोचे माजी जिल्हाध्यक्ष आहेत.

फेसबुक पेज लाईक करा https://www.facebook.com/policenama/