अहमदनगर : पोलीसनामा ऑनलाइन – नगर-औरंगाबाद रस्त्यावरील प्रवरासंगम येथे खासगी बस व डंपरचा अपघात झाला. अपघातानंतर डंपरच्या डिझेलची टाकी फुटून डंपरने पेट घेतला. यात डंपरमधील एकाचा होरपळून मृत्यू झाला. तसेच बसमधील आठ प्रवासी जखमी झाले. आज हा अपघात झाला.
पांडुरंग रामकिसन गायकवाड (वय 27, रा. प्रवरासंगम, ता.नेवासा) हे मयताचे नाव आहे. याबाबत माहिती अशी की, नेवासा तालुक्यातील प्रवरासंगम येथील सिद्धेश्वर मंदिरासमोर कमानीजवळ नगरकडून संभाजीनगरकडे जाणाऱ्या खासगी बस (क्रमांक जी.जे.-14, झेड-8585) डंपरला (विना नंबर) धडक दिल्याने झालेल्या अपघातात डंपरची डिझेल टाकी फुटून डंपरने पेट घेतला.
डंपरमध्ये असलेला मजूर पांडुरंग रामकिसन गायकवाड (वय 27, रा. प्रवरासंगम, ता.नेवासा) हा या अपघातात डंपरमध्येच होरपळून मरण पावला. तर डंपरचालक अशोक शिंदे, ट्रॅव्हल्स चालक मोहन थावरा राठोड (रा.वडहुळी, ता.जिंतूर, जि.परभणी), संतोष धोंगडे व इतर सात ते आठ प्रवासी जखमी झाले आहेत. या अपघातमध्ये डंपर पूर्णपणे जाळून खाक झाला आहे. तर खासगी बसचा समोरील भाग चक्काचूर झाला आहे.
फेसबुक पेज लाईक करा – https://www.facebook.com/policenama/
- ‘हळदीच्या चहा’चे 4 प्रकार आणि 4 आश्चर्यकारक फायदे जाणून घ्या
- Blood Pressure : रक्तदाबावर उपाय सुचविणारे यंत्र, जाणून घ्या 4 महत्वाच्या गोष्टी
- तुमच्या घरातच असते 10 ते 30 टक्के अधिक प्रदूषण, जाणून घ्या माहिती
- आनंदी राहण्यासाठी ‘या’ 5 गोष्टी लक्षात ठेवा, जाणून घ्या ‘मानसशास्त्र’
- गोळ्यांपेक्षा नैसर्गिक पद्धतीने घ्या ‘ड जीवनसत्त्व’, या 7 गोष्टी लक्षात ठेवा
- आहारामध्ये ‘या’ 6 पदार्थांचा समावेश केल्यास टळेल स्तनाच्या कर्करोगाचा धोका !