‘ज्या चीनमध्ये मुस्लिमांचा नरसंहार केला जातोय त्याचे तळवे चाटतोय पाकिस्तान’ : शाहनवाज हुसेन

नवी दिल्ली, वृत्तसंस्था : सीमेवरील चीनच्या असंवेदनशील वृत्तीमुळे चीनच्या झिनजियांग प्रांतातील उइगर मुस्लिमांवरील अत्याचारावर भाजपाने चिंता व्यक्त केली आहे. भाजपाचे ज्येष्ठ प्रवक्ते शाहनवाज हुसेन यांनी याला 21व्या शतकातील सर्वात मोठे हत्याकांड म्हटले आणि यासंदर्भात असलेल्या शांततेवर संपूर्ण जगावर आणि विशेषत: मुस्लिम देशांच्या संघटनेवर जोरदार टीका केली. ते म्हणाले, ‘हिटलरच्या नाझी छावण्याप्रमाणेच चीनमधील उइगर मुस्लिमांना कैद करून अत्याचार केले जात आहेत. तरीही पाकिस्तान चीनचे तळवे चाटत आहे आणि दुर्दैवाने इस्लामी देश शांत आहेत.

सॅटेलाईटवरून काढलेल्या छळ छावण्यांच्या 50 छायाचित्रांचा संदर्भ देताना शाहनवाज हुसेन म्हणाले की यावरून पुष्टी मिळते की चीनी लष्कराच्या अंतर्गत सुरू असलेल्या या शिबिरांमध्ये 10 लाखांपेक्षा अधिक उइगर मुस्लिमांना कैद केले गेले आहे. काही अहवालांनुसार चीन या विकृतीकरण शिबिरांना शिक्षण शिबिरे म्हणून सांगत दिशाभूल करीत आहेत. सत्य हे आहे की मुस्लिमांना इस्लामिक रूढी आणि संस्कृतीपासून दूर नेण्यासाठी आणि त्यांना चीनच्या हान-बहुल संस्कृतीत रूपांतरित करण्यासाठीचा एक प्रयत्न आहे. यासाठी जबरदस्तीने मुस्लिम महिलांचा विवाह हान तरुणांशी केल्याच्या घटना सतत वाढत आहेत.

शाहनवाज म्हणाले की, एप्रिल 2017 मध्ये झिंगजियांगने मोहम्मद, इमाम, सद्दाम, इस्लाम अशा 29 मुस्लिम नावांवर बंदी घातली यावरून उइगर मुस्लिमांची ओळख मिटविण्याच्या प्रयत्नाचा अंदाज केला जाऊ शकतो. याआधी मार्च 2017 मध्ये मुस्लिमांना सार्वजनिक ठिकाणी बुरखा परिधान करून आणि दाढी वाढवून जाण्यास बंदी घालण्यात आली होती आणि उल्लंघन करणार्‍यांना छळ छावण्यांमध्ये ठेवण्यात आले होते.

हिटलरच्या नाझी छावण्यांशी तुलना करत भाजपा नेत्याने यावर आश्चर्य व्यक्त केले की 21 व्या शतकात होणाऱ्या या अमानवीय वागणुकीवर संपूर्ण जग शांत आहे. त्यांनी पाकिस्तानला देखील कठड्यात उभे केले आणि सांगितले की मुस्लिमांची अशी अवस्था असूनही पाकिस्तान हा चीनचा हँगर बनून बसला आहे. ते म्हणाले की आता वेळ आली आहे की संपूर्ण जगाने या अत्याचाराविरूद्ध बोलले पाहिजे. त्यांनी असा दावा केला की मुस्लिमांसाठी सर्वोत्तम देश म्हणजे भारत आणि सर्वात चांगले मित्र म्हणजे नरेंद्र मोदी. देशात एखादी छोटी घटना घडल्यास काही लोक गोंधळ उडवतात पण चीनवरील मौन समजण्यापलीकडचे आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like