‘या’ दिवसापासुन सुरू होणार ‘जनगणना’, विचारले जाणार ‘हे’ 30 प्रश्न, जवळ ठेवा ही कामाची माहिती, जाणून घ्या

नवी दिल्ली : वृत्तसंस्था – देशात पुन्हा एकदा जनगणनेचे काम सुरू होणार आहे.  2021 च्या जनगणनेची तयारी करण्यात आली असून १ एप्रिलपासून घर यादीच्या कामकाजापासून हे काम सुरू होईल. या कालावधीत जनगणना करणारे आपल्या घरी येऊन सर्व माहिती विचारतील. या माहितीमध्ये जनगणना कामगार आपल्या कुटूंबाच्या प्रमुखांचा मोबाइल नंबर, शौचालय, टीव्ही, इंटरनेट, वाहने, पिण्याच्या पाण्याचे स्त्रोत इत्यादींशी संबंधित प्रश्न विचारतील. या सोबतच राष्ट्रीय लोकसंख्या नोंदणी (NPR) चे कामही सुरूच राहणार असल्याने केंद्र सरकारने सप्टेंबर 2020 पर्यंत ते तयार करण्याचा निर्णय घेतला आहे.

कुलसचिव व जनगणना आयुक्तांनी दिलेल्या अधिसूचनेनुसार,  1 एप्रिल ते 30 सप्टेंबर या कालावधीत सुरू असलेल्या घर यादी व गृहगणनेच्या सराव काळात प्रत्येक कुटूंबाची माहिती घेण्यासाठी जनगणना अधिकाऱ्यांना 30 प्रश्न विचारण्याचे निर्देश देण्यात आले आहेत. अधिसूचनेमध्ये स्पष्ट करण्यात आले आहे की, मोबाईल क्रमांक केवळ जनगणनेच्या उद्देशाने विचारला जाईल आणि तो इतर कोणत्याही हेतूसाठी वापरला जाणार नाही. पारंपारिक पेन व कागदाऐवजी मोबाईल फोन अ‍ॅप्लिकेशनद्वारे ही जनगणना करण्यात येणार आहे. जनगणना संदर्भ तारीख 1 मार्च 2021 असेल, परंतु जम्मू – काश्मीर, हिमाचल प्रदेश आणि उत्तराखंडसाठी तारीख 1 ऑक्टोबर 2020 असेल.

दरम्यान, जनगणना दरम्यान बँक खात्यांची माहिती मागविली जाणार नाही. जनगणना करणारे कामगारही तुमच्या घरी आल्यास त्यांना विचारलेल्या प्रश्नांची योग्य उत्तरे द्या.