शेतकऱ्यांना मोठा दिलासा ! कापणी यंत्रांच्या वाहतुकीस सूट, कीटनाशके आणि बी- बियाण्यांच्या विक्रीस परवानगी
नवी दिल्ली : वृत्तसंस्था : कोरोना लॉकडाऊन दरम्यान केंद्र सरकारने पीक कापणीसाठी कापणी यंत्राला (हार्वेस्टिंग) परवानगी दिली आहे. केंद्रीय कृषिमंत्री नरेंद्र तोमर म्हणाले की पंतप्रधान नरेंद्र मोदी यांनी सोशल डिस्‍टेंसिंग पाळून शेतकऱ्यांना पिके कापणीसाठी परवानगी दिली आहे. केंद्रीय मंत्री तोमर म्हणाले की आम्ही देशभरात अन्न आणि इतर आवश्यक वस्तूंची उपलब्धता सुनिश्चित करत आहोत. शेती ही आपल्या देशातील एक प्रमुख क्रिया आहे. हे लक्षात घेऊन कीटकनाशके, खते, बियाणे यासारख्या वस्तूंच्या विक्रीला लॉकडाऊनपासून सूट देण्यात आली आहे.
वास्तविक, लॉकडाऊनमुळे कापणी करणारी हार्वेस्टिंग मशीन्स जागेवरच थांबून होती. यामुळे पिकलेल्या गहू पिकाची कापणी करण्यात शेतकऱ्यांना अडचणींचा सामना करावा लागला. शेतकर्‍यांनी सांगितले की मजूर मिळत नाहीत व कापणीची यंत्रणा देखील उपलब्ध नाही, अशा परिस्थितीत पिकाचे नुकसान होण्याचा मोठा धोका आहे. लॉकडाऊनमुळे कापणी यंत्रांचे संचालकही काम करीत नाहीत, तसेच मशीनची दुरुस्ती करण्यासाठी सामान देखील उपलब्ध होत नाही. ज्यामुळे मशीन्स कार्यरत नसून बंद अवस्थेत पडून आहेत, असे देखील शेतकऱ्यांनी सांगितले.