‘कोरोना’चे संवाहक असतात ‘मोबाइल’ फोन, रुग्णालयांनी त्यांचा वापर प्रतिबंधित केला पाहिजे, AIIMS नं सांगितलं
नवी दिल्ली, वृत्तसंस्था : एम्स रायपूरमधील डॉक्टरांनी कोविड -19 साथीच्या आजाराकडे पाहता आरोग्य संस्थांमध्ये मोबाइल फोनच्या वापरावर बंदी घालण्याची शिफारस केली आहे. डॉक्टरांनी चेतावणी दिली आहे की अशी उपकरणे व्हायरसचे वाहक असू शकतात आणि आरोग्य कर्मचार्‍यांमध्ये संसर्ग पसरवतात.
एम्स रायपूरचे डॉक्टर म्हणाले – मोबाइल फोनचा पृष्ठभाग सर्वात धोकादायक असतो
बीएमजे ग्लोबल हेल्थ जर्नलमध्ये प्रकाशित झालेल्या संभाषणावर आधारित लेखात डॉक्टरांनी म्हटले आहे की मोबाइल फोनचा पृष्ठभाग सर्वात जास्त धोकादायक असतो. हा भाग चेहरा किंवा तोंडाच्या थेट संपर्कात येतो. जरी हात योग्य प्रकारे धुतले असतील तरीही याचा थेट चेहऱ्याशी संपर्क येतो. एका अभ्यासाने असे दर्शविले आहे की प्रत्येक आरोग्य कर्मचारी 15 मिनिट ते दोन तास फोन वापरतो.
डब्ल्यूएचओ आणि सीडीसीसारख्या विविध आरोग्य संस्थांकडून आजार रोखण्यासाठी व नियंत्रणावर लक्ष केंद्रित करणारी महत्त्वाची मार्गदर्शक तत्त्वे जारी केली आहेत. या संभाषणावर आधारित लेखात म्हटले आहे की, ‘मार्गदर्शक सूचनांमध्ये मोबाइल फोनचा उल्लेख केलेला नाही. हात धुण्याची शिफारस करणारे डब्ल्यूएचओचे संक्रमण नियंत्रण आणि प्रतिबंध मार्गदर्शक तत्वांमध्ये देखील याचा उल्लेख नाही.
डॉक्टर म्हणाले – रुग्णालयात मोबाइल फोनचा वापर प्रतिबंधित करा
फोनचा उपयोग आरोग्य सुविधांमध्ये इतर आरोग्य कर्मचार्‍यांशी संपर्क साधण्यासाठी केला जातो. याशिवाय इतर कामांमध्ये देखील फोनची मदत घेतली जाते. या पद्धतीची शिफारस करणाऱ्या डॉक्टरांमध्ये डॉ. विनीत कुमार पाठक, डॉ. सुनील कुमार पाणिग्रही, डॉ. एम मोहन कुमार, डॉ. उत्सव राज आणि डॉ. करपाग्या प्रिया पी. यांचा समावेश आहे. डॉक्टरांनी सांगितले की मास्क, कॅप्स किंवा गॉगल प्रमाणे मोबाईल देखील जास्त वापरात घेतला जातो. विशेष म्हणजे यांच्यासारखे मोबाईलला धुतले जात नाही.