‘कोरोना’मुळे शहिद झालेल्या ‘त्या’ पोलीस आधिकऱ्याला मरणोत्तर ‘कर्मवीर’ पदकानं सन्मानित करण्यात येणार
file photoभोपाळ : वृत्तसंस्था – इंदौर येथील कोरोना व्हायरस बाधित पोलिस अधिकाऱ्याचे निधन झाले आहे. पोलिस अधिकारी यशवंत पाल यांच्यावर शहरातील अरबिंदो रुग्णालयात उपचार सुरू होते. यशवंत पाल नावाचे एक पोलिस अधिकारी उज्जैन येथे स्टेशन प्रभारी म्हणून तैनात होते. मध्य प्रदेशचे मुख्यमंत्री शिवराजसिंह चौहान यांनी ट्वीट करून कोरोनाशी झालेल्या युद्धादरम्यान उज्जैन नीलगंगाचे स्टेशन प्रभारी यशवंत पाल यांच्या निधनाबद्दल शोक व्यक्त केला. त्यांनी लिहिले की या दु: खाच्या क्षणी मी व संपूर्ण राज्य दिवंगत यशवंत पाल जी यांच्या कुटुंबासमवेत उभे आहोत.
याशिवाय त्यांच्या कुटुंबाला ५० लाख रुपये देण्याव्यतिरिक्त स्व. यशवंत पाल यांची मुलगी फाल्गुनी यांची उपनिरीक्षक म्हणून नियुक्ती करण्यात येणार असून स्वर्गीय पाल यांना मरणोत्तर कर्मवीर पदकाने सन्मानित केले जाणार आहे. अरविंदो हॉस्पिटलचे चेअरमन डॉ विनोद भंडारी म्हणाले की आम्ही त्याला वाचवू शकलो नाही. दहा दिवसांपूर्वी त्यांना प्रकृती चिंताजनक असताना रुग्णालयात आणण्यात आले. ते न्यूमोनियाने ग्रस्त होते आणि त्यांना श्वास घेण्यात अडचण येत होती. त्यांना 48 तास व्हेंटिलेटरवर ठेवण्यात आले. सतत थेरपी करूनही, त्यांची प्रकृती सुधारली नाही.असे भंडारी म्हणाले.
सध्या मध्य प्रदेशात कोरोना संसर्ग होण्याचे प्रमाण सतत वाढत आहे. राज्यात सध्या कोरोनामुळे १३०० हून अधिक संक्रमित रुग्ण आढळले आहेत. इंदौर हे राज्यातील सर्वाधिक कोरोना-संक्रमित शहर आहे. येथे संसर्ग झालेल्यांची संख्या 900 पेक्षा जास्त आहे.
राज्य सरकारने कोरोनाशी सामना करणाऱ्या डॉक्टरांसाठी ओला कॅब ची व्यवस्था केली आहे. जेणेकरून त्यांना आपल्या रुग्नालयात वेळेत पोहचता यावे. डॉक्टरांसोबतच मेडिकल सेवा देणाऱ्या बाकी लोकांकरिता देखील या सुविधा देण्यात आल्या आहेत.