COVID-19 : रॅपीड अँटीबॉडी टेस्ट केवळ सर्व्हिलन्ससाठी – मुंबई उच्च न्यायालय
file photoनागपूर : पोलीसनामा ऑनलाइन – मुंबई उच्च न्यायालयाच्या नागपूर खंडपीठाने म्हटले की, जागतिक महामारी कोविड-19 च्या केवळ देखरेखीसाठी रॅपिड अँटीबॉडी टेस्ट केल्या जात आहेत. संपूर्ण महाराष्ट्राच्या कंटेन्मेंट झोनमध्ये हे परिक्षण करण्याबाबात निर्णय राज्य सरकारला घ्यायचा आहे.
परीक्षणाच्या या तंत्राचा उपयोग त्या लोकांच्या रक्तात अँटीबॉडीजची तपासणी करण्यासाठी केला जातो, जे कोरोना व्हायरसच्या संसर्गातून बरे झाले आहेत. त्यांच्या शरीरात बनणार्‍या अँटीबॉडीजने कोरोना संसर्गावर उपचार होत असल्याचा दावा केला जात आहे.
खंडपीठाने म्हटले, सरकारने लवकर निर्णय घ्यावा
न्या. रवि देशपांडे आणि अमित बोरकर यांच्या खंडपीठाने मंगळवारी राज्य सरकारला म्हटले की, त्यांनी एका वकीलाने दाखल केलेल्या याचिकेवर लवकर निर्णय घ्यावा. वकील आणि याचिकाकर्ता तुषार मांडलेकर यांची मागणी आहे की, कोविड-19 च्या कंटेन्मेंट झोन्समध्ये रॅपीड अँडीबॉडी टेस्ट सर्वांवर केल्या जाव्यात जे या झोनमध्ये राहत आहेत.
हे परीक्षण केवळ देखरेखीच्या हेतूने केले जातेय
सरकारचे वकील सुमंत देवपुजारी यांनी कोर्टात सांगितले की, हे परीक्षण निदान चाचणी नाही. सध्या परीक्षण केवळ देखरेखीच्या हेतूने केले जात आहे. त्याचा उपचार किंवा आजाराच्या लक्षणांशी संबंध नाही