नवी दिल्ली, वृत्तसंस्था : राष्ट्रीय राजधानी दिल्लीसह देशभरात कोठेही मंगळवारी ईद उल अझाचा चंद्र दिसला नाही, म्हणून आता ईद इल अजहा 1 ऑगस्ट रोजी साजरा होणार आहे. लखनऊ येथील मरकजी चांद कमेंटी फरंगी महलचे सदर आणि काजी -ए-शहर मौलाना खालिद रशीद फरंगी महलीने याची घोषणा केली. मरकजी चांद कमिटीने जारी केलेल्या निवेदनात असे म्हटले आहे की, 21 जुलैला चंद्र दिसला नाही. म्हणून जिलिज्जची पहिली तारीख 23 जुलै 2020 रोजी असेल. अशा प्रकारे बकरी ईद 1 ऑगस्ट 2020 रोजी साजरी केली जाईल.
दिल्लीतील फतेहपुरी मशिदीचे शाही इमाम मौलाना मुफ्ती मुकरम म्हणाले, “दिल्लीसह भारतात कोठेही चंद्र दिसला नाही.” बकरी ईद एक ऑगस्ट रोजी साजरी केली जाईल. “ते म्हणाले,” दिल्लीत आकाश स्पष्ट नव्हते, परंतु तामिळनाडू आणि मध्य प्रदेशात, जेथे आकाश स्वच्छ होते, तेथेही चंद्र दिसला नाही. ” त्याचबरोबर ‘इमारत ए शरिया हिंद’ने ही जाहीर केले की, ईद उल अज़हा किंवा ज़ुहा हा सण एक ऑगस्ट रोजी साजरा केला जाईल. इमारत -ए-शरीयत हिंदच्या रूयत -ए-हिलाल समितीचे सचिव मुईजुद्दीन अहमद म्हणाले, “दिल्लीत नव्हे तर देशाच्या कुठल्याही भागातून चंद्र दिसल्याची बातमी नाही. इस्लामिक कॅलेंडरचा 12 वा महिना ज़िल हिज्जाची पहिली तारीख 23 जुलैला असेल आणि 1 ऑगस्ट रोजी ईद उल अजहा साजरा केला जाईल.”
बकरीदचा सण चंद्र पाहण्याच्या 10 व्या दिवशी साजरा केला जातो. दरम्यान, मुफ्ती मुकरम म्हणाले की, “मुस्लिम समाजातील ज्या लोकांकडे जवळपास 612 ग्रॅम चांदी किंवा त्या तुलनेत पैसा आहे, त्यांनी कुर्बानी दिली पाहिजे. “मौलाना मुकरम म्हणाले की, “गरजेचे नाही कि कुर्बानी आपल्या घरात किंवा शहरात दिली जावी. जेथे लॉकडाउन आहे तेथे लोक त्यांच्या इतर ओळखीच्या किंवा इतर ठिकाणी राहणाऱ्या नातेवाईकांना कुर्बानीसाठी पैसे पाठवू शकतात.