चीनी उत्पादनाच्या विरोधात Sonam Wangchuk च्या मोहिमेस बाबा रामदेव यांचं समर्थन, म्हणाले…

नवी दिल्ली :  वृत्तसंस्था –   सोनम वांगचुकच्या चीन-निर्मित वस्तूंवर बहिष्कार घालण्याच्या मोहिमेला योगगुरू बाबा रामदेव यांनीही पाठिंबा दर्शविला आहे. बाबा रामदेव यांनी ट्विट केले की, चीन किंवा तिथल्या जनतेशी त्यांची कोणतीही दुश्मनी नाही, परंतु देशाविरूद्ध चिनी कट रोखण्यासाठी त्यांच्या उत्पादनांवर बहिष्कार टाकणेही फार महत्वाचे आहे. दरम्यान, आमिर खानचा सुपरहिट चित्रपट थ्री इडियट्सचे मुख्य पात्र रॅमॉन मॅग्सेसे पुरस्कार विजेता सोनम वांगचुकवर आधारित होते.

वांगचुकने प्रसिद्ध केला व्हिडिओ

लडाखमधील वास्तविक सीमारेखावर चीन आणि भारत यांच्यात वाढणार्‍या तणावाच्या पार्श्वभूमीवर इंजिनिअर ते शिक्षा सुधारक वांगचुक यांनी अलीकडेच 9 मिनिटांचा एक व्हिडिओ संदेश प्रसिद्ध केला. जो सोशल मीडियामध्ये चर्चेचा विषय बनला आहे. यात तो सिंधू नदीसमोर मोकळ्या आकाशाखाली बसलेला दिसला. वांगचुकने व्हिडिओमध्ये म्हटले की, भारतीय सैन्याशिवाय इतर लोकांच्या वतीने चिनी उत्पादनांवर बहिष्कार टाकून चीनविरूद्ध युद्ध जिंकता येऊ शकते. व्हिडिओमध्ये त्यांनी चिनी वस्तूंवर बहिष्कार घालून चीनचे मोबाइल अ‍ॅप्स अनस्टॉल करण्याचे आवाहन केले. या व्यतिरिक्त वांगचुक म्हणाले की, एकीकडे सीमेवरचे सैनिक चिनी सैनिकांकडून लोखंड घेतात, तर दुसरीकडे चिनी सरकार आपण खरेदी केलेल्या चिनी उत्पादनांमधून शस्त्रे आणि दारूगोळा बनवून आपल्या सैनिकांवर हल्ला करतात.

या व्हिडिओमध्ये वांगचुकने असेही म्हटले आहे की, त्याचा मोबाइलही चिनी कंपनीचा आहे आणि पुढील एका आठवड्यात ते भारतीय मोबाईलमध्ये बदलणार आहेत, त्याशिवाय पुढील एक वर्षात प्रत्येक भारतीयांना चिनी उत्पादने भारतीय बाजारातून काढून टाकण्याचे आवाहन त्यांनी केले.

लडाख सीमेवर तणाव कायम

लडाख सीमेवर भारत आणि चीन दरम्यान तणाव कायम आहे. दोन्ही देशांनी तेथे मोठ्या संख्येने सैन्य जमा केले आहे. यासह सीमेवर मोठ्या प्रमाणात दारूगोळा आणि मोठे टॅंक जमा होऊ लागले आहेत. मात्र, दोन्ही देशांनी दिलेल्या निवेदनात ही परिस्थिती नियंत्रणात असल्याचे सांगत चर्चा करून यावर तोडगा काढण्यात येत असल्याचे सांगितले जात आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like