ताज्या बातम्या

Weather Update : ‘या’ 3 राज्यात सोमवारी ‘कोसळधार’ पावसाचा ‘अलर्ट’, इतर काही शहरांमध्ये देखील ‘धोका’, ‘इथं’ पाहा यादी

file photo

नवी दिल्ली : वृत्तसंस्था – गेल्या आठवड्यात देशातील बर्‍याच राज्यात हवामान खराब होते. हिवाळ्यासोबतच पाऊसही पडल्याने लोकांना मोठ्या त्रासाला सामोरे जावे लागले. मात्र, धोका अजून संपलेला नाही. सोमवारी तीन राज्यात मुसळधार पाऊस पडेल, असा अंदाज हवामान खात्याने वर्तविला आहे. तसेच, इतर बर्‍याच राज्यात जोरदार पाऊस, वारा, गडगडाट आणि वीजा चमकण्याची शक्यता आहे.

हवामान खात्याने दिलेल्या माहितीनुसार, जम्मू-काश्मीर, लडाख आणि हिमाचल प्रदेशात सोमवारी हवामान आणखी खराब होऊ शकते. येथे पाऊस आणि हिमवृष्टी पडण्याची शक्यता आहे. सोमवारी त्याची तीव्रता वाढेल. यामुळे या राज्यांत मुसळधार पाऊस पडेल. तसेच पश्चिम हिमालयातील बहुतेक भागात पुन्हा पावसाला सुरुवात होईल. यामुळे जम्मू-काश्मीर, लडाख, हिमाचल प्रदेश आणि उत्तराखंड याचा थेट परिणाम होणार आहे.

– राजधानी दिल्लीसह पंजाब, हरियाणा, राजस्थान आणि उत्तर प्रदेशात येत्या 24 तासांत बर्‍याच ठिकाणी मध्यम पाऊस पडण्याची शक्यता आहे. या राज्यात 6 आणि 8 जानेवारीला वादळी वाऱ्याची शक्‍यता आहे.

– आंध्र प्रदेश आणि तामिळनाडू येथे येत्या 24 ते 48 तासांत हलक्या सरी आणि गडगडाटासह पाऊस पडण्याची शक्यता आहे. यावेळी तेलंगणाचे हवामान जवळजवळ स्पष्ट व कोरडे राहील. सोबतच अरुणाचल प्रदेश आणि पूर्व आसाममध्ये सोमवारी एक किंवा दोन भागात पाऊस पडण्याची शक्यता आहे.

– पाऊस दरम्यान हिमवृष्टी देखील कायम राहील ज्यामुळे हिवाळ्याची थंडी आणखी वाढू शकेल. शिमला, मनाली, सागर, नैनिताल, मसूरी, गुलमर्ग, पहलगाम आणि आसपासच्या भागात हिमवर्षाव सुरु राहणार आहे.

– ईशान्येकडील राज्यांमध्ये अनेकदा जानेवारी आणि फेब्रुवारी महिन्यात मुसळधार पाऊस पडतो. अरुणाचल प्रदेश हे त्याचे सर्वात मोठे उदाहरण आहे. इतर भागात त्या तुलनेत 3-4 पट जास्त पाऊस पडतो. नागालँड, मणिपूर, मिझोरम आणि त्रिपुरामध्ये किमान पाऊस पडतो. तसेच अरुणाचल प्रदेशात अधून मधून पाऊस सुरूच राहणार आहे.

फेसबुक पेज लाईक करा – https://www.facebook.com/policenama/