‘येलू’ या भाड्याने सायलक देणाऱ्या स्टार्टअप कंपनीच्या मदतीने महापालिकेने हा उपक्रम सुरू केला आहे. सध्या तरी या उपक्रमाअंतर्गत शहरातील ७ सायकल स्टेशन उभारण्यात आले असून त्यामध्ये १ हजार सायकल उपलब्ध करुन देण्यात आल्या आहेत. शिवाय या उपक्रमाला नेरुळमधील नागरिकांनी भरघोस प्रतिसाद दिला आहे.
आता या उपक्रमाला भरघोस प्रतिसाद मिळाल्यानंतर पुढील तीन वर्षांमध्ये एक लाख सायकल नवी मुंबईकरांना उपलब्ध करुन देण्याचा पालिकेचा मानस आहे. पुढील टप्प्यामध्ये बेलापूरमध्ये ६० ठिकाणी अशी सायकल स्टेशन्स उभारून ही योजना बेलापूरवासियांसाठी उपलब्ध करुन देण्यात येणार आहे. शहराचे कार्बन फूटप्रिंट कमी करण्याच्या उद्देशाने लवकरच ही मोहिम नवी मुंबईमधील इतर भागांमध्येही राबवण्याची पालिकेची योजना आहे.
‘येलू’ने बंगळुरूमध्ये सायकल भाड्याने देण्याचा उपक्रम यशस्वी केल्यानंतर आता त्यांना मुंबईतही चांगला प्रतिसाद मिळताना दिसत आहे. दरम्यान आता ज्याप्रमाणे सायकल उपलब्ध करुन देण्यात आल्या त्याप्रमाणे सायकल चालवण्यासाठी वेगळे सायकल ट्रॅक्सही तयार करण्यात यावे अशी मागणीही काही सायकल प्रेमींनी व्यक्त केली जााताना दिसत आहे. मुख्य म्हणजे ही योजना नागरिकांमध्ये खूप लोकप्रिय झाली अाहे. शिवाय नवीन मुंबईकर आता आणखीन फीट अॅण्ड फाइन होतील असं मत ही सेवा वापरणाऱ्यांनी व्यक्त केली आहे.
नवी मुंबई महानगरपालिकेचे आयुक्त रामस्वामी एन यांनी या योजनेला नागरिकांनी तुफान प्रतिसाद दिल्याचे सांगितले आहे. दरम्यान यावर बोलताना रामस्वामी एन म्हणाले की, “अशी योजना सुरु करणाऱ्या इतर शहरांपेक्षा नवी मुंबईमध्ये या योजनेला जास्त प्रतिसाद मिळाला आहे. १० हजारहून अधिक नागरिकांनी या योजनेसाठी आपले नाव नोंदवले आहे. तसेच ही सेवा शहरातील इतर भागांमध्ये पुरवण्याची मागणीही केली जात आहे.” इतकेच नाही तर आता आम्ही अशी सेवा बेलापूरमध्येही सुरु करणार असल्याचे रामस्वामी यांनी सांगितले. मुख्य म्हणजे तीन वर्षांमध्ये शहरात एक लाख सायकल उपलब्ध करुन देण्याचे आमचा उद्देश असल्याचे रामस्वामी म्हणाले.
काय आहे ही योजना?
नेरुळ परिसरात एकूण सात सायकल स्टेशन्स आहेत
प्रत्येक सायकलवर जीपीएस लावण्यात आल्याने ती कुठे आहे याबद्दलची माहिती कंपनीला मिळते. त्यामुळे ती चोरीला जाण्याची शक्यता नाही.