Coronavirus & Vitamin-D : व्हिटॅमिन ‘डी’ ची कमतरता असलेल्या 99 % संक्रमितांचा मृत्यू
नवी दिल्ली : वृत्तसंस्था – जगात कोरोना विषाणूने होणारे मृत्यू थांबत नसून साडेचार लाखाहून अधिक लोकांचा मृत्यू झाला आहे. अशात एका विश्लेषणाने धक्कादायक परिणाम दाखवले आहेत. एका वृत्तसंस्थेनुसार, इंडोनेशियातील संशोधकांनी ७८० लोकांच्या विश्लेषणाद्वारे असे म्हटले आहे की, यात मृत्यू झालेल्यांपैकी ९९ टक्के लोकांमध्ये व्हिटॅमिन डीची कमतरता आढळली. परिणामांनुसार, अशा परिस्थितीत ‘सूर्यप्रकाश’ उपयुक्त ठरू शकतो.
युरोपियन देशात व्हिटॅमिन डी ची कमतरता, अधिक मृत्यू
केंब्रिजमधील अँगलिया रस्किन युनिव्हर्सिटीमध्ये असे आढळले की, व्हिटॅमिन डीचे प्रमाण कमी असलेल्या युरोपियन देशांत महामारीमुळे मृत्यू होणाऱ्या लोकांची संख्या अधिक आहे. तर यूकेची नॅशनल इन्स्टिट्यूट अँड केअर एक्सलन्स या विषयाचा आढावा घेत आहे, जे पुढील महिन्यात प्रकाशित होईल.
व्हिटॅमिन डीची कमतरता धोकादायक
या विश्लेषणानुसार, एखाद्या व्यक्तीच्या शरीरात २० नॅनोग्राम प्रति मिलीग्रामपेक्षा कमी व्हिटॅमिन डी आढळल्यास कोरोना विषाणूची लागण झालेल्या ९८.९ टक्के लोकांचा मृत्यू होतो. मात्र ज्या रुग्णांमध्ये पर्याप्त प्रमाणात व्हिटॅमिन डी असल्याचे आढळले, त्यांच्या मृत्यूचा आकडा केवळ ४.१ टक्के होता. हे सूचित करते की, व्हिटॅमिन डी ची कमतरता कोरोना संक्रमित व्यक्तीसाठी घातक परिणाम असू शकते.
व्हिटॅमिन डी असे करतो प्रभावित
जर शरीरात व्हिटॅमिन डीचे प्रमाण कमी असेल तर हाडे पातळ आणि कमकुवत होऊ लागतात. सोबतचे हे मधुमेहावरील रामबाण उपाय प्रतिकार, उच्च रक्तदाब आणि रोगप्रतिकार शक्ती राखण्यासाठी भूमिका निभावते. तसेच हे कर्करोग आणि हृदय रोगांमध्ये देखील प्रभावी आहे. मात्र यावर संशोधन चालू आहे.
इतर संशोधनाचे देखील समान परिणाम
लंडनमधील क्वीन मॅरी युनिव्हर्सिटीचे प्रोफेसर अ‍ॅड्रियन मार्टिन यांनी एका चाचणीद्वारे सांगितले आहे की, व्हिटॅमिन डी पातळीसह काही विशिष्ट जीवनशैलीमधील घटक विषाणूच्या संवेदन क्षमतेवर परिणाम करतात. त्यांनी असेही म्हटले की, श्वसन संसर्गामध्ये व्हिटॅमिन डी औषधांचा विचार केला जाऊ शकतो. तसेच सर्रे विद्यापीठानुसार, व्हिटॅमिन डी हे निरोगी जीवनशैलीचा भाग असू शकते. परंतु ते चमत्कारिक नाही, कारण याचा पुरावा स्पष्ट नाही.
काही प्रश्न देखील आहेत
घटते व्हिटॅमिन डी, वाढते संक्रमण इंडोनेशियामधील हा अभ्यास कोणत्याही नामांकित विद्यापीठाशी किंवा कोविड-१९ संशोधनाशी संबंधित नाही. प्रा.बो.वो. रहारुसुना यांच्या नेतृत्वात असलेले पाचही संशोधक स्वतंत्र संशोधक आहेत. तसेच त्यांच्या वैज्ञानिक पार्श्वभूमीबद्दलही कोणती माहिती नाही. हे संशोधन एप्रिलमध्ये प्रकाशित झाले होते, त्याचा आढावा घेतला जाणार आहे. टीमला आढळले की, व्हिटॅमिन डीची कमतरता असलेल्या रूग्णांचे वय, लिंग आणि इतर आजारांचा विचार करता मृत्यू होण्याची शक्यता १० टक्के जास्त होती.
सूर्यप्रकाशाने वाढवा व्हिटॅमिन डी
व्हिटॅमिन डीचा सर्वात उत्तम स्रोत सूर्यप्रकाश आहे. जर अन्नामध्ये व्हिटॅमिन डीचा चांगला स्रोत सापडत नसेल, तर सूर्यप्रकाशापेक्षा उत्तम काही नाही. थोड्या वेळासाठी उन्हात थांबल्यास व्हिटॅमिन डीसह इतर अनेक फायदे मिळतात. शरीर सूर्यप्रकाशापासून अतिनील किरणांच्या संपर्कात येते आणि ते शरीरात व्हिटॅमिन डीचा पुरवठा करते. सूर्यप्रकाशाबरोबरच व्हिटॅमिन डी पुरवठा करण्याच्या उत्तम स्त्रोतांमध्ये ऑईली फिश, अंडी, दूध आणि काही प्रकारचे मशरूम समाविष्ट आहेत.