NDA Exam for Women | आता महिला सुद्धा देऊ शकतात एनडीएची परीक्षा, सुप्रीम कोर्टाचा मोठा निर्णय
नवी दिल्ली : वृत्तसंस्था – NDA Exam for Women | सुप्रीम कोर्टाने (Supreme Court) म्हटले आहे की, महिला राष्ट्रीय संरक्षण अकादमीची प्रवेश परीक्षा (NDA Exam for Women) देऊ शकतात. जस्टिस संजय किशन कौल आणि हृषिकेश रॉय यांच्या खंडपीठाने बुधवारी कुश कालरा यांच्याद्वारे दाखल याचिकेवर अंतरिम आदेश पारित केला आहे.
या याचिकेत महिला उमेदवारांना एनडीए परीक्षेला बसण्याची परवानगी देण्याची मागणी केली होती. याचिकेत म्हटले आहे की, महिलांना परीक्षेला बसू न देणे भारताच्या संविधानाच्या कलम 14, 15, 16 आणि 19 चे उल्लंघन आहे.
लिंगाच्या आधारावर केला जातो भेदभाव
याचिकेत पुढे म्हटले आहे की, अधिकारी बारावी पास अविवाहित पुरुष उमेदवारांना ‘राष्ट्रीय सुरक्षा अकादमी आणि नौदल अकादमीच्या परीक्षेला बसण्याची परवानगी देतात, परंतु पात्र आणि इच्छुक महिला उमेदवारांना परीक्षा देण्याची परवानगी केवळ लिंगाच्या आधारवर देत नाहीत. यासाठी संविधानांतर्गत कोणतेही योग्य कारण सुद्धा दिले जात नाही.
प्रवेशापासून ठेवले जाते वंचित
कोर्टात याचिकाकर्त्याची बाजू सिनियर अॅडव्होकेट चिन्मय प्रदीप शर्मा यांनी अधिवक्ता मोहित पॉल, सुनैना आणि इरफान हसीब यांच्यासोबत मांडली. याचिकेत म्हटले आहे की, योग्य आणि इच्छुक महिला उमेदवारांना लिंगाच्या आधारावर राष्ट्रीय संरक्षण अकादमीत प्रवेशाच्या संधीपासून वंचित ठेवले जाते.
याचिकेत हे सुद्धा म्हटले आहे की, महिलांना राष्ट्रीय संरक्षण अकादमीमध्ये प्रशिक्षित न करणे
आणि देशाच्या सशस्त्र दलांमध्ये स्थायी कमीशन अधिकारी म्हणून केवळ लिंगाच्या आधारावर नियुक्ती
देण्यास मनाई करणे मुलभूत अधिकाराचे हनन आहे आणि हे भारतीय संविधानाच्या कक्षेत न्यायोचित नाही.
Web Title :- NDA Exam for Women | women can sit for national defence academy entrance exams says supreme court
Join our WhatsApp Group, Telegram, facebook page and Twitter for every update