‘यलो फिव्हर’ लशीवर आधारित कोविड लस विकसित !

पोलीसनामा ऑनलाइन टीम  –   वैज्ञानिकांनी कोविड -19 विरुद्ध नवीन संभाव्य लस विकसित केली आहे. ही लस यलो फिव्हर लशीवर आधारित आहे. याच्या एका डोसमुळे कोरोना विषाणूच्या संसर्गापासून हॅमस्टर आणि माकडांना संरक्षण मिळाले आहे.

बेल्जियममधील केयू ल्युवेनच्या रीगा इन्स्टिट्यूटमधील संशोधक सध्या या संभाव्य लशीसाठी क्लिनिकल चाचण्या तयार करत आहेत. या संभाव्य लशीला वैज्ञानिकांनी रेगावॅक्स असे नाव दिले आहे. याचा विकास करण्यासाठी, शास्त्रज्ञांनी यलो फिव्हर लशीमध्ये एसएआरएस कोव्ह -2 व्हायरल स्पाइक्सचा अनुवांशिक कोड घातला. रेगॅवॅक्स ही एक वेक्टर लस आहे. ती कोलोनोव्हायरस स्पाइक्सच्या अनुवांशिक कोडसाठी वाहक म्हणून यलो फिव्हर लस विषाणूचा अनुवांशिक कोड वापरते.

वैज्ञानिकांनी आधी हॅम्सटरना लशीचा डोस दिला. नंतर नाकाच्या माध्यमातून विषाणूचा शरीर प्रवेश करविला. त्यांना असे आढळले की दहा दिवसांत अनेक आणि तीन सप्ताहात सर्व हॅमस्टर सुरक्षित झाले आहेत.

माकडांवरही ही लस चाचणी वैज्ञानिकांनी केली. केयू लेवेन येथील प्रा. जोहान नेट्स म्हणाले, आमच्या लक्षात आले काही वानरांमध्ये लस डोस घेतल्यानंतर सात दिवसांत अँटीबॉडीज तटस्थ होऊ लागल्या. 14 दिवसांनंतर अँटीबॉडी न्यूट्रलायझेशन उच्च स्तर पाळले गेले. हे खूप वेगवान आहे. लसीकरण झालेल्या प्राण्यांच्या घशातून जवळजवळ पूर्ण विषाणू गळून गेला होता.

प्रो. नेट्स म्हणाले, “कोरोना विषाणूच्या संसर्गापासून रक्षण करण्यासाठी तयार केलेली आमची लस पिवळ्या तापापासूनसुद्धा बचाव करते. हे लक्षात घेण्यासारखे आहे की, या लशीची बातमी येण्यापूर्वी रेगा टीमने सांगितले की त्यांनी झिका, इबोला आणि रॅबीज विरुद्ध संभाव्य लशींचा आधार म्हणून यलो फिव्हर लस वापरली आहे.