या सव्र्हेसाठी विद्यार्थ्यांना सहभागी करून घेण्यात आले होते. विद्यार्थी नेहमीच तणावात वावरत असल्याने त्यांना यामध्ये सहभागी करण्यात आले होते. या संशोधनाचे निष्कर्ष सायकियाट्री रिसर्च नावाच्या जर्नलमध्ये प्रकाशित करण्यात आले आहेत. सोशल नेटवर्किंग साइट्स त्यांचा स्ट्रेस लेव्हल कमी करण्यात किती मदत करतात ? स्ट्रेस असताना ऑफलाइन आणि ऑनलाइन दोन्हीकडे किती सपोर्ट मिळतो ? दररोज फेसबुकवर किती वेळ घालवतात ? जेव्हा ते ऑनलाइन नसतात तेव्हा कसं वाटतं ? असे प्रश्न अभ्यासकांनी या संशोधनात सहभागी लोकांना विचारले. यातून असे दिसून आले की, स्ट्रेसचा स्तर जेवढा जास्त होता, ती व्यक्ती तेवढा जास्त वेळ फेसबुकवर घालवत होती.
रोजच्या स्ट्रेसची गंभीरता आणि फेसबुक इंगेजमेंटमधे सकारात्मक नाते आहे. ज्यामुळे हे म्हटले जाऊ शकते की, स्ट्रेसमुळे सोशल नेटवर्किंग साइट्सची सवय लागते. त्यावर अनेकदा अवलंबून रहावे लागते. पण जर तणावाचा सामना करायचा असेल आणि व्यक्तीला परिवार आणि मित्रांची मदत मिळाल्यास ही सवय कमी केली जाऊ शकते, असा निष्कर्ष या संशोधनातून काढण्यात आला.