‘त्या’ नामांकित वकील कुटुंबियांना अटक पोलिसांना भोवली, तपासी अधिकाऱ्याला ५ लाखांचा दंड

अहमदनगर : पोलीसनामा ऑनलाइन – कोतवाली पोलिस ठाण्यात दाखल गुन्ह्यात एकाच कुटुंबातील तीन वकिलांना अटक केल्याप्रकरणी राज्य शासनाने त्यांना 5 लाख रुपये देण्याचे आदेश न्यायालयाने दिले आहेत. ही रक्कम तपासी अधिकाऱ्याकडून वसूल करण्याचा आदेश दिला आहे. सदर दंडाची रक्कम 45 दिवसांच्या आत द्यावी, अन्यथा विलंब झाल्यास 8 टक्के दराने व्याज देण्याचे आदेश मुंबई उच्च न्यायालयाच्या औरंगाबाद खंडपीठाने दिले आहेत. या आदेशामुळे पोलिस वर्तुळात एकच खळबळ उडाली आहे.

ॲड. अभिजीत राजेश कोठारी याच्याविरुद्ध बलात्कार केला व त्याच्या कुटुंबातील वडील ॲड. राजेश कोठारी, आई ॲड. मंगल कोठारी, बहीण रेणू झरेकर-कोठारी यांनी शिवीगाळ, दमदाटी केली होती. याप्रकरणी कोतवाली पोलिस ठाण्यात गुन्हा दाखल करण्यात आला होता. या गुन्ह्यात राजेश कोठारी, मंगल कोठारी व रेणू कोठारी यांचा सहभाग बलात्काराच्या नव्हे, तर जामीनपात्र स्वरूपाच्या 7 वर्षाखालील शिक्षा असलेल्या गुन्ह्यात होता. तरीही गुन्ह्यात तिघांना अटक करण्यात आली होती.

सन 2014 रोजी ही अटक झाली होती. दोन्ही बाजूचा युक्तिवाद ऐकून घेतल्यानंतर न्यायमूर्ती सोनवणे, न्यायमूर्ती नलावडे यांनी राज्य शासनाला तिघांना पाच लाख रुपये देण्याचे आदेश दिले आहेत. सदर रक्कम तपासी अधिकारी असलेले पोलीस उपनिरीक्षक विशाल सणस यांच्याकडून वसूल करण्याचे आदेश दिले आहेत.

आरोग्यविषयक वृत्त –

•  नारळाच्या तेलाने काढा मेकअप ; जाणून घ्या, नैसर्गिक मेकअप ‘रिमूव्हर्स’
•  ‘हे’ ७ पदार्थ सर्वात ‘हानिकारक’, यामुळे होऊ शकते आरोग्य ‘खराब’, जाणून घ्या
• कोणत्या पदार्थांमुळे कोणती ‘अ‍ॅलर्जी’ ? जाणून घ्या कारणे, लक्षणे आणि उपाय
•  त्वचा आणि दातांसाठी घातक ‘हे’ पदार्थ, जाणून घ्या कोणते
•  ‘यांना’ कॉल केल्यावर तणाव कमी, जाणून घ्या