उच्च रक्तदाबाचे रुग्णही करू शकतील रक्तदान 

अमेरिकेतील रेडक्रॉस सोसायटीच्या माहितीनुसार, आपण रक्तदाब नियंत्रित करणारे औषध घेत असाल आणि त्यांचे दुष्परिणाम रक्तावर होत नसतील तेव्हा रक्तदान करता येते. म्हणजेच रक्तदाबाच्या गोळ्यांचा रक्तदानाशी थेट संबंध येत नाही. पण उच्च रक्तदाबाची औषधे नियमितपणे न घेणाऱ्या रुग्णांच्या रक्तात या आजाराचे दुष्परिणाम दिसून येतात.

या आजाराची अनेक लक्षणे त्यांना सतत जाणवत असतात. त्यांनी कधीही रक्तदान करू नये. रक्तदानापूर्वी पुरेशी झोप घेणे गरजेचे आहे, तसेच स्वच्छ-ताजे अन्न खावे व भरपूर पाणी प्यावे. लोहयुक्त आहार असल्यास उत्तम. जड वस्तू उचलणे आणि व्यायाम करणे टाळा. रक्तदानापूर्वी भरपूर रसयुक्त फळे खाल्ल्याने आणखी ऊर्जा मिळेल.