home page top 1

राजकारणात येणार नाही, निवृत्ती महाराज इंदुरीकरांचा खुलासा

अहमदनगर : पोलीसनामा ऑनलाइन – मुख्यमंत्री सहायता निधी चा एक लाख रुपयांचा धनादेश देण्यासाठी मी संगमनेर येते मुख्यमंत्र्यांच्या भेटीला गेलो होतो मी समाजकार्याचा वसा घेतलेला आहे राजकारणात कधीही जाणार नाही त्यामुळे विधानसभा निवडणूक करण्याचा प्रश्नच उद्भवत नाही असा खुलासा निवृत्ती महाराज इंदुरीकर यांनी आज केला आहे.

काल संगमनेर येथील मुख्यमंत्र्यांच्या सभेत इंदुरीकर महाराजांचे फोटो व्हायरल झाल्यामुळे आगामी विधानसभा निवडणूक भारतीय जनता पक्षाकडून संगमनेर मतदारसंघातून लढवू शकतात, अशी चर्चा सुरू झाली. त्या पार्श्वभूमीवर बोलताना इंदुरीकर यांनी त्यांचा खुलासा जाहीर केला आहे. तो खुलासा आज दुपारपासून सोशल मीडियावर व्हायरल झाला आहे.

इंदुरीकर यांनी दिलेल्या खुलाशात म्हटले आहे की,
‘संगमनेर तालुक्यातील महाजनादेश यात्रेमध्ये मी माझ्या वैयक्तिक स्वार्थासाठी गेलो नव्हतो. समाजासाठी माझं काहीतरी देणं लागते आणि माझ्या व्यस्त कार्यक्रमांच्या दैनंदिन जीवनात मला समाजासाठी जी काही मदत करायची असती ती करता येत नाही, म्हणून मुख्यमंत्र्यांना स्वतः एक लाख रुपयांचा धनादेश मुख्यमंत्री सहायता निधीसाठी सुपूर्द करण्यासाठी संगमनेर गेलो होतो. मी कुठल्याही प्रकारचा राजकीय हेतू मनामध्ये ठेवलेला नव्हता.

कार्यक्रम सुरू होण्यापूर्वी मी तो एक लाख रुपयांचा धनादेश मुख्यमंत्र्यांकडे सुपूर्द केला व कुठल्याही पक्षाची मफर गळ्यात न घालता तिथून कार्यक्रम सुरू होण्यापूर्वी निघून गेलो. जर मला राजकारणात किंवा निवडणुकीत उतरायचे असते, तर मी संपूर्ण कार्यक्रम होईपर्यंत तिथेच थांबून राहिलो असतो. परंतु मी मात्र समाजसेवेचे व्रत हाती घेतलेले आहे.

राजकारणात मी कधीही येणार नाही आणि संगमनेर तालुक्याचे नेतृत्व देखील खूप सुसंस्कृत आणि विकासात्मक आहे. त्यांच्या नेतृत्वाखाली अनेक गोष्टी मी स्वतः समाजासाठी करत आलो आहे. माझ्या स्वतःच्या शाळेसाठी स्वर्गीय भाऊसाहेब थोरात यांनीच पहिली वर्गणी दिलेली आहे आणि आज देखील आमदार बाळासाहेब थोरात हे शाळेला नेहमी मदत करत आहे. मी कधीही या गोष्टीचा विसर पडू देणार नाही. मी सर्व माझ्या हितचिंतकांना व व श्रोत्यांना सांगू इच्छितो की मी कधीही राजकारणात येणार नाही. समाजकार्याचा वसा मी हाती घेतलेला आहे. तो माझ्याकडून चिरंतर सुरू राहील. त्यामुळे माझ्या संगमनेर विधानसभा उमेदवारीच्या काही बातम्या सुरू आहेत त्यांना मी आजच जाग्यावर पूर्णविराम देतो आहे.’

Loading...
You might also like