कळंब : पोलीसनामा ऑनलाइन – कळंब तालुक्यातील दहिफळ येथे गौरकडून कळंबकडे जाणाऱ्या चालु बसचा नट निखळुन पडल्यामुळे पाटे सरकले व गाडीचा तोल जाऊ लागला. अचानक घडलेल्या प्रकारामुळे बस चालकाच्या सावधानतेमुळे पुढील घटना टळली. ब्रेक लावून गाडीवर ताबा मिळवला.
गाडीचा बिघाड झाल्याचे कळंब आगारला कळविले. रोजच्या सवयी प्रमाणे वरच्या वर भागवा अशी उत्तरे आली. परंतु कळंब आगारामध्ये विशेष बस गाडीची देखरेख करण्यासाठी व्यवस्था असताना नट फिटींग, सर्व्हिसींग का केली जात नाही हा प्रश्न पडतो.
ग्रामीण भागातील महत्वाची येण्या-जाण्यासाठी सोय म्हणजे बस (लालपरी) होय. कळंब आगार विभागामार्फत सोडण्यात येणाऱ्या बसेस खास करुन ग्रामीण भागात सोडलेल्या गाड्या खिळखिळ्या झालेल्या आहेत. कधी टायर फुटतो, कधी ब्रेक फेल होतो तर कधी नट बोल्ट गळुन पडतात. अशा अनेक समस्या निर्माण झाल्या आहेत.
गौर मुक्कामी असणारी बस कळंबकडे दहिफळ मार्गे जात असताना गाडीच्या समोरील पाट्याचा मुख्य नटबोल्ट तुटून पडला. चालु गाडी असताना हि घटना घडली. बस चालक शिवाजी मते यांनी प्रसंगावधान राखून गाडीवर ताबा मिळवला आणि मोठा अनर्थ टळला. गाडीचा बिघाड झाल्यामुळे विद्यार्थ्यांना ताटकळत बसावे लागेल. स्वतः बसचालक व कंडक्टरने गावातील गॅरेजवर जाऊन लागणारे साहित्य आणुन गाडीचे पाटे बसवले. नट बोल्ट फिट केले. कळंब आगार नेमके काय करते. स्वतंत्र बसची दुरुस्ती करण्यासाठी फिटर विभाग आहे. शेकडो मॅकिनिक आहेत. तरी गाडीचा घोटाळा होतोच कसा हे कळायला मार्ग नाही.