आजपासून ‘Nokia Smart TV’ विक्रीसाठी उपलब्ध, मिळणार आकर्षक ‘ऑफर्स’

नवी दिल्ली : वृत्तसंस्था – मागील वर्षाच्या शेवटी भारतीय बाजारात Nokia Smart TV लाँच करण्यात आली होती. जी की ई – स्मार्ट वेबसाईट Flipkart वर फ्लॅश विक्रीसाठी उपलब्ध आहे. जर आपण Nokia Smart TV खरेदी करणार असाल तर आज पुन्हा एकदा १२ वाजेपासून या टीव्हीची विक्री करण्यात येणार आहे. यात खास फीचर म्हणून ५५ इंचाचा ४ के डिस्प्ले आहे. तसेच जेबीएल ऑडिओ टेक्नोलॉजीचा वापर करून उत्तम साउंड क्वालिटी देण्यात आली आहे. Flipkart द्वारे खरेदी केल्याने वापरकर्ते अजून बर्‍याच खास ऑफर्सचा फायदा घेऊ शकणार आहेत.

Nokia Smart TV ची किंमत आणि ऑफर्स
Nokia Smart TV ला भारतीय बाजारात ४१,९९९ रुपयांच्या किंमतीसह गेल्या वर्षी डिसेंबरमध्ये भारतीय बाजारात आणले गेले होते. जी केवळ Flipkar द्वारेच विक्रीसाठी उपलब्ध आहे. यावर मिळणाऱ्या ऑफर्सबद्दल बघितले तर तुम्हाला स्मार्ट टीव्हीसह एक वर्षाची वॉरंटी मिळेल. याव्यतिरिक्त आपल्याला २,९९९ रुपयांमध्ये ३ वर्षाची वॉरंटी मिळू शकते. त्याशिवाय HSBC डेबिट आणि क्रेडिट कार्ड पेमेंट केल्यास आपल्याला १० टक्के त्वरित सूट देखील दिली जाणार आहे.

Nokia Smart TV मधील विविध फीचर्स
Nokia Smart TV मध्ये ५५ इंचाचा ४ के डिस्प्ले देण्यात आला आहे. हे डिव्हाइस PureX क्वाड कोर प्रोसेसरसह सुसज्ज आहे आणि यामध्ये Intelligent Dimming तंत्रज्ञानासह वापरकर्त्यांना Dolby Vision आणि HDR १० ची देखील सुविधा मिळणार आहे. उत्तम साउंड क्वालिटीसाठी डिव्हाइसमध्ये पॉवरफुल JBL स्पीकर वापरण्यात आले आहेत. तसेच त्यात क्लिअर व्यू टेक्नॉलॉजी आणि क्लिअर साउंड टेक्नॉलॉजी देण्यात आली आहे ज्याने वापरकर्त्यांना पाहण्याचा उत्तम आनंद घेता येतो.

अन्य फीचर्स बघितले तर Nokia Smart TV मध्ये Google Voice Assistant सपोर्ट प्रदान करण्यात आला आहे. खास गोष्ट म्हणजे यात Google Voice Assistant च्या बरोबर Netflix आणि YouTube साठी डेडिकेटेड बटणे देण्यात आली आहेत. म्हणजेच, ही वैशिष्ट्ये वापरण्यासाठी आपल्याला फक्त एक बटण क्लिक करावे लागणार आहे.