कपिल शर्मा शो’वर नोरा फतेहीने केले हिंदीमध्ये रॅप, व्हिडिओ होतोय व्हायरल

मुंबई : पोलीसनामा ऑनलाइन – बॉलिवूडची सर्वाधिक लोकप्रिय डान्सर नोरा फतेहीने तिच्या नृत्य कौशल्यामुळे केवळ चाहत्यांच्या अंत:करणात स्थान मिळवले नाही तर ती आपल्या मजेदार शैलीसाठी देखील ओळखली जाते. यूट्यूबवर तिच्या चॅनेलच्या व्हिडिओंमध्ये ती बर्‍याचदा मस्तमौला स्टाईलमध्ये दिसते आणि अलीकडेच तिने कपिल शर्माच्या शोमध्ये एक लपलेले टॅलेंट देखील दाखविले.

या लोकप्रिय कॉमेडी शोवर नोरा फतेहीने हिंदीमध्ये रॅप केले. पंजाबी गायक गुरु रंधावा सोबत नोरा शोमध्ये आली होती. गुरू आणि नोरा त्यांचा म्यूजिक व्हिडिओ नच मेरी राणीला प्रमोट करण्यासाठी पोहोचले होते. सोनी टीव्हीने इन्स्टाग्रामवर शेअर केलेल्या या व्हिडिओमध्ये असे दिसते की, गुरु पहिल्यांदा हे गाणे गातो, त्यानंतर नोरा हिंदीमध्ये रॅप करते. कपिल शर्मादेखील नोराच्या या स्टाईलने खूपच खूश आहे, तर अर्चना पूरन सिंगही त्यांच्यासाठी चीअर करताना दिसत आहे. नोराचा हा व्हिडिओ चाहत्यांमध्ये व्हायरल होत आहे.

अजय देवगन सोबत चित्रपटात काम करत आहे नोरा
वर्कफ्रंटबद्दल बोलताना नोरा काही काळापूर्वी स्ट्रीट डान्सर 3 डी चित्रपटात दिसली होती. या चित्रपटात तिच्यासोबत वरुण धवन, श्रद्धा कपूर, प्रभुदेवा, राघव बहल असे कलाकारही दिसले होते. ती आता भुज: द प्राइड ऑफ इंडिया या चित्रपटात दिसणार आहे. या वॉर ड्रामा चित्रपटात अजय देवगन मुख्य भूमिकेत आहे. हा चित्रपट लवकरच डिस्ने हॉटस्टार ओटीटी प्लॅटफॉर्मवर प्रदर्शित होणार आहे. नोराला काही काळासाठी इंडिया बेस्ट डान्सरच्या जज म्ह्णून पाहण्यात आले होते, कारण या शोची जज मलाइका अरोरा कोरोना विषाणूपासून रिकव्हरी करत होती. नोरा म्हणाली की, या शोला जज करताना तिला खूप मजा आली आणि तिने शोच्या सेट्सवर खूप मजा मस्तीही केली.