नवी दिल्ली : वृत्तसंस्था – केंद्रीय आरोग्य मंत्रालयाने देशातील डॉक्टरांविरोधात वाढत्या हिंसाचाराच्या घटनांविरूद्ध आता कठोर कायदे तयार केले आहेत. हेल्थकेअर सर्व्हिस पर्सनल अँड क्लिनिकल एस्टॅब्लिशमेंट अॅक्ट (प्रोबेशन ऑफ व्हायलेंस अँड डॅमेज प्रॉपर्टी) २०१९ चा मसुदा तयार करण्यात आला आहे. त्याअंतर्गत डॉक्टर, नर्स, आरोग्य कर्मचारी, रुग्णवाहिका कर्मचारी किंवा कोणत्याही प्रकारच्या रुग्णालयात हल्ल्याच्या आरोपाखाली आरोपींविरूद्ध कठोर कलमांखाली गुन्हा दाखल केला जाईल.
यात जास्तीत जास्त १० वर्षांची कारावास आणि १० लाख रुपये दंड होऊ शकतो. जर एखाद्या आरोपीने दंडाची रक्कम भरली नाही तर त्याची मालमत्ता विकून दंडाची परतफेड केली जाईल. येत्या ३० दिवसांत मंत्रालयाने या कायद्याबाबत आक्षेप व सूचना मागितल्या आहेत. यानंतर मंत्रालय अंतिम मसुदा तयार करुन त्याची अंमलबजावणी करण्याच्या दिशेने काम करेल.
मंत्रालयाच्या एका वरिष्ठ अधिकाऱ्याने सांगितले की क्लिनिकल आस्थापना कायदा आधीपासूनच अनेक राज्यात लागू आहे, ज्या अंतर्गत डॉक्टर किंवा रुग्णालयाच्या मालमत्तेचे नुकसान करणे हा गुन्हा आहे. तथापि, बर्याच काळापासून सातत्याने उघडकीस येणाऱ्या घटनांमुळे मंत्रालयाने आता या कायद्यात फेरबदल केला आणि त्यास एक नवीन रूप दिले.
या आहेत कायद्यातील तरतुदी :
या कायद्यांतर्गत सुमारे तीन ते चार प्रकारच्या शिक्षेची तरतूद आहे. जर एखाद्या रुग्णालय, नर्सिंग होम किंवा क्लिनिकच्या मालमत्तेचे नुकसान झाले असेल तर ६ महिने ते ५ वर्षांपर्यंत शिक्षेची तरतूद आहे. तसेच ५० हजार ते ५ लाख रुपयांपर्यंत दंडही आहे. या व्यतिरिक्त भारतीय दंड संहिता ३२० कलमांतर्गत कोणत्याही आरोग्य सेविका, परिचारिका, डॉक्टर आणि रुग्णवाहिका चालकास मारहाण केल्यास १० वर्षांच्या तुरूंगवासाची शिक्षा आणि १० लाख रुपयांपर्यंत दंड होऊ शकतो. या कायद्यात सरकारने सर्व प्रकारच्या आरोग्य कर्मचार्यांचा समावेश केला आहे.
वास्तविक, पश्चिम बंगालच्या मेडिकल कॉलेजमध्ये दोन कनिष्ठ निवासी डॉक्टरांवर हल्ला झाल्यानंतर, देशभरातील डॉक्टरांनी अशा घटनांना तीव्रतेने विरोध करण्यास सुरवात केली. अखिल भारतीय आयुर्विज्ञान संस्था (AIIMS) कडून, सर्व राज्यांत डॉक्टर जवळजवळ चार दिवस संपावर गेले होते.
त्याचबरोबर इंडियन मेडिकल असोसिएशनने (IMA) देखील याचा कडाडून निषेध केला होता. यावर्षी जानेवारीपासून राजधानी दिल्लीबद्दल बोलायचे झाले तर आतापर्यंत १४ प्रकरणे नोंदली गेली आहेत. ही सर्व प्रकरणे दिल्ली आणि केंद्र सरकारच्या रुग्णालयांशी संबंधित आहेत. या घटनांमध्ये डॉक्टरांना मारहाण केल्यावर संप केले गेले आणि रुग्णांना मोठ्या प्रमाणात त्रास सहन करावा लागला.
- फक्त २ अक्रोडने मोकळ्या होतील शरीरातील सर्व नसा, अशाप्रकारे करा वापर
- वजन वाढण्याची चिंता आहे का ? ‘हे’ ५ पदार्थ बिनधास्त खा, वाढणार नाही वजन
- स्मोकिंग सोडल्याच्या २० मिनिटापासून ‘ते’ १० वर्षानंतर शरीरावर असा होतो परिणाम
- आपल्या बेबीसाठी सर्वात चांगले तेल कसे निवडावे ? जाणून घ्या माहिती
- हरड, बहेला, आँवला, घी सक्कर में खाए ! हाथी दाबे काँख मे, साठ कोस ले जाए !!
- तांदळाच्या पाण्याने चेहरा धुतल्याने होतात मोठे फायदे, तुम्हीही करून पहा
- पार्टीनंतर होणारा हँगओव्हर दूर करण्यासाठी मदत करतील ‘हे’ 9 उपाय
- दही-भात खाण्याचे ५ मोठे फायदे, तुम्हीसुध्दा अवश्य ट्राय करून पहा