‘समुद्र’ किनाऱ्यावर आला 75 फूट लांबीचा एक ‘जीव’, पाहून लोक झाले ‘आश्चर्यचकित’
नवी दिल्ली, वृत्तसंस्था : समुद्राच्या जीवनाबद्दल अशी अनेक मनोरंजक माहिती जगभरातून येत असते ज्याची आपण बर्याच वेळा कल्पनाही केली नसेल. सोशल मीडियावर तुम्ही असंख्य व्हिडिओ आणि विशाल समुद्राची चित्रे पाहिली असतील, जे इंटरनेटवर बरेचसे व्हायरल झाले आहेत. असाच एक अनोखा जीव समुद्रात दिसला आणि प्रत्येकजण त्याला पाहून आश्चर्यचकित झाला. होय, इंडोनेशियाच्या मधोमध एक ब्लू व्हेल वाहत आली ज्यास पाहून सर्वजण चकित झाले. या विशाल समुद्री जीवाची लांबी 75 फूट (23 मीटर) होती. या ब्लू व्हेलचे अनेक व्हिडिओ आणि फोटो सोशल मीडियावर व्हायरल होत आहेत. लोकांनी जेव्हा तिची तपासणी केली तेव्हा ती मृत असल्याचे आढळले.
फोटो आणि व्हिडिओमध्ये असे दिसत आहे की इंडोनेशियातील रहिवासी समुद्रात ब्लू व्हेल पहात आहेत. ही ब्लू व्हेल इंडोनेशियाच्या नुन्हिला येथील ना बाटू कपाला बीचवर मृत अवस्थेत आढळली. ज्यानंतर हा व्हिडिओ अनेक सोशल मीडिया प्लॅटफॉर्मवर मोठ्या प्रमाणात व्हायरल होत आहे. त्याचबरोबर या समुद्री जिवाच्या मृत्यूमुळे बर्याच लोकांनी दु:ख व्यक्त केले आहे.
VIDEO: Giant dead whale washes up on Indonesian beach
A giant 23 metre (75 foot) whale washes up in Indonesia – it is unclear how it died pic.twitter.com/XQrmkuJYMR
— AFP News Agency (@AFP) July 23, 2020
माहिती मिळताच आसपासचे लोक ब्लू व्हेल पाहण्यासाठी जमले. तथापि, या सागरी जीवाचा मृत्यू कसा झाला हे स्पष्ट झाले नाही. वृत्तसंस्था एएफपीनुसार स्थानिक संरक्षण अधिकारी लीडया तेसा सपुत्र यांचे म्हणणे आहे की, ती आम्हाला ब्लू व्हेल वाटली, परंतु तिचा मृत्यू कशामुळे झाला हे आम्हाला माहिती नाही. त्यांनी सांगितले, ‘हा जीव येथे मरण पावलेला नाही पण तो बर्याच दिवसांपूर्वी मरण पावला असू शकतो असे दिसते.’ त्याच वेळी, संशोधक काही तपासण्या करतील त्याआधीच अशा प्रकारचे बरेच मृत जीव पुन्हा समुद्रात वाहून जातात. ऑक्टोबरमध्येही कुपांग जवळ 7 व्हेल मृतावस्थेत आढळल्या होत्या.