पंकजा मुंडेंच्या कारखान्याचा परवाना रद्द करणारा अधिकारी निलंबित; कारखान्याचा परवानाही पूर्ववत

वैद्यनाथ सहकारी साखर कारखान्यात झालेल्या स्फोटाच्या दुर्घटनेवर कारवाई करणाऱ्या एफडीएच्या सहाय्यक आयुक्तांच निलंबन करण्यात आलं आहे.  तसेच  पण कारखान्याचा परवानाही पूर्ववत करण्यात आला आहे . विशेष म्हणजे हा साखर कारखाना ग्रामविकास मंत्री पंकजा मुंडे यांचा आहे.

बीडमधील परळीतील वैद्यनाथ सहकारी साखर कारखान्यात ८ डिसेंबर २०१७ रोजी रसाच्या टाकीचा स्फोट झाला होता. या स्फोटात ७ कामगारांचा मृत्यू झाला, तर १० जण गंभीर जखमी  झाले होते. या या दुर्घटनेनंतर अन्न आणि औषध प्रशासनाकडून कारखान्याची तपासणी करण्यात अली होती. तपासणीदरम्यान या कारखान्यात अनेक त्रुटी आढळून आल्या होत्या. अन्न आणि औषध प्रशासनानं यासंदर्भात कारखान्याला नोटीस बजावली होती. गुडस् मॅन्युफॅक्चरिंग प्रॅक्टीसेसच्या नियमावलीचं उल्लंघन झाल्याचं आढळून आलं होतं. त्यामुळे, अन्न व औषध प्रशासनाचे सहाय्यक आयुक्त अभिमन्यू केरुरे यांनी या कारखान्याची तपासणी करुन परवाना निलंबित  केला होता.

मात्र, या कारखान्याला परवाना देण्याचे काम  अन्न आणि औषध  विभागाच्या अधि कारक्षेत्रात येत नाही. त्यामुळे केरुरेंनी अधिकाराचा गैरवापर केला, असं कारण देत एफडीएनं त्यांच्यावर तात्काळ सेवेतून निलंबित करण्याची कारवाई केली.तसेच  पंकजा मुंडे यांच्या वैद्यनाथ सहकारी साखर कारखान्यावरील निलंबन  मागे घेण्यात आले .कारखान्याचा रद्द झालेला परवाना पुन्हा बहाल करण्यात आला.