बीड : पोलीसनामा ऑनलाइन – तुल्यतुलाई सौर ऊर्जा प्लांटमध्ये भीषण स्फोट होऊन एकाचा मृत्यू झाला. हा स्फोट बीड जिल्ह्यातील धारुर तालुक्यातील असलेल्या तुल्यतुलाई सौर ऊर्जा प्लांटमध्ये आज पहाटेच्या सुमारास झाला. यामध्ये होरपळून एका कामागाराचा मृत्यू झाला तर दोन जण गंभीर जखमी झाले आहेत. जखमींवर लातूरमधील रुग्णालयात उपचार सुरु आहेत.
आज पहाटे तीन ते साडेतीनच्या दरम्यान तुल्यतुलाई सौर ऊर्जा प्लांटमध्ये स्फोट झाला. स्फोटानंतर लागलेल्या आगीमध्ये एका कामगाराचा १०० टक्के भाजून मृत्यू झाला. तर आगीच्या झळ्या बसल्याने दोन कामगार जखमी झाले. आग लागल्याचे समजताच अग्निशमन दलाला पाचारण करण्यात आले. जखमींना तात्काळ बाहेर काढून त्यांना उपचारासाठी लातूर येथे हलवण्यात आले.
हा स्फोट इतका तिव्र होता की स्फोटाचा आवाज आजूबाजूच्या गावांमध्ये ऐकू आला. हा स्फोट नेमका कशाचा होता हे अद्याप समजू शकले नाही. पोलिसांनी तुल्यतुलाई सौर ऊर्जा प्लांटमध्ये कोणालाही जाण्यास मनाई केली असून पोलीस अधिक चौकशी करत आहेत. दरम्यान या स्फोटामुळे परिसरात घबराहट पसरली आहे.
- रोगप्रतिकारकशक्ती झटपट वाढवतील ‘हे’ १० साधेसोपे उपाय, जाणून घ्या
- एखाद्या स्त्रिला होणाऱ्या ‘या’ सामान्य समस्यांना आजार समजू नका
- तंदुरुस्त राहण्यासाठी आहारात करा ‘या’ पाच ‘सुपरफूड’चा समावेश
- महिलांकडून होऊ शकतात ‘या’ ९ प्रणय मिस्टेक्स, यामुळे वाढू शकतो दुरावा
- ‘या’ ३ पद्धतीने ७ दिवसात कमी होऊ शकतो फॅट, जाणून घ्या कोणती पद्धत
- मधुमेह रुग्णांसाठी ‘उंटिणीचे’ दूध फायदेशीर ; घ्या जाणून
- नाभीच्या इन्फेक्शनची समस्या दूर करतील ‘हे’ ७ घरगुती उपाय