ताज्या बातम्याराष्ट्रीय

जम्मू काश्मीर : उरी सेक्टरमध्ये पाकिस्तानकडून झालेल्या गोळीबारात एक जवान शहीद, एका महिलेचा ‘मृत्यू’

BSF

नवी दिल्ली : वृत्तसंस्था : भारतीय लष्कराच्या सूत्रांनी सांगितले आहे की जम्मू-काश्मीरमधील पाक सैन्याने पुन्हा नियंत्रण रेषेकडे उरी सेक्टरमधील युद्धबंदीचे उल्लंघन केले.

सैन्यातील सूत्रांनी दिलेल्या माहितीनुसार, या युद्धबंदीच्या उल्लंघना (Ceasefire Violation) च्या वेळी भारतीय सैन्याचा एक जवान शहीद झाला आहे. या गोळीबारात एका महिलेला जीवही गमवावा लागला आहे.

जम्मू-काश्मीरच्या कठुआ जिल्ह्यात आंतरराष्ट्रीय सीमेच्या बाजूने पुढील भागात पाकिस्तानी रेंजर्सनी रात्रीच्या वेळी गोळीबार केला. आणि याचा निषेध म्हणून या भागातील लोकांनी बुधवारी निषेध केला.

अधिकाऱ्यांनी सांगितले की, मंगळवारी रात्री पाकिस्तानकडून हिरानगर सेक्टरच्या चंदवा क्षेत्रात आंतरराष्ट्रीय सीमेच्या बाजूने गोळीबार करण्यात आला. ते म्हणाले की सीमा सुरक्षा दलात तैनात असलेल्या सीमा सुरक्षा दला (BSF) च्या जवानांनी चोख प्रत्युत्तर दिले. दोन्ही बाजूंकडून रात्रभर गोळीबार होत राहिला.

लोकांनी गोळीबाराविरोधात केली निदर्शने:
दरम्यान, कठुआ गावातील नागरिकांवर गोळीबार केल्याच्या निषेधार्थ हिरानगरमधील चन्नतंदा परिसरातील लोक बुधवारी रस्त्यावर उतरून निदर्शने केली. या लोकांनी पाकिस्तानविरोधात घोषणाबाजी केली आणि पाकिस्तानला योग्य उत्तर दिले जावे अशी मागणी केली.

गेल्या दोन महिन्यांपासून पाकिस्तानी रेंजर्स विशेषत: मनयारी, पंसार आणि राठवा गावांना लक्ष्य करून गोळीबार करत आहेत. त्यामुळे घरे आणि इतर इमारतींचे नुकसान झाले असल्याचे आंदोलकांनी सांगितले.

भारताने खूप कालावधीपासून सीमेवरून पाकिस्तानतर्फे सुरू असलेल्या दहशतवाद आणि युद्धबंदीच्या घटनांमुळे पाकिस्तानशी द्विपक्षीय चर्चा रद्द केली आहे.

फेसबुक पेज लाईक करा – https://www.facebook.com/policenama/